Ribadeo, 3 de xuño de 2014. O director da Banda de Música Municipal de Ribadeo, David Ballester, participou en actividades formativas celebradas na provincia de Pontevedra e que foron impartidas polos prestixiosos directores de banda e compositores José Rafael Pascual Vilaplana, José María Fayós e Bert Appermont.
David Ballester estivo o pasado fin de semana en Catoira (Pontevedra) “nun curso de dirección de banda co mestre Rafael Pascual Vilaplana, un dos directores de banda máis importantes a nivel nacional, e con el estaba o compositor José María Fayós, que nos estivo explicando como analizar as partituras para despois podelas desenvolver o mellor posible. Tamén explicou a súa maneira de compoñer e deunos consellos sobre o que podemos facer o como debemos traballar á hora de compoñer obras. Co mestre Vilaplana estivemos traballando técnicas de dirección para despois desenvolvelas nas nosas bandas e corrixiunos defectos que temos”.
O director da banda de música ribadense explicou que “foi unha experiencia bastante interesante, porque un cre que o fai todo o mellor que pode, pero cando chegas a estes cursos ves que hai cousas que podes facer moito mellor. É interesante tamén porque estás con xente que dirixe outras bandas, intercambias opinións e sempre chegas a conclusións interesantes. Ademais tivemos a sorte de que en Pontevedra estaba o compositor belga Bert Appermont, que deu unha charla coloquio sobre as súas composicións e, como tamén é director, deunos consellos de dirección e despois asistimos a un concerto da banda de Pontevedra no que tocaron catro das súas obras, dirixidas por el mesmo”.
Polo tanto Ballester considera que “foi un fin de semana bastante produtivo cunhas sesións intensas, case sen descanso, para aproveitar ben o tempo. Foi unha experiencia boa, que espero poder repetir co mestre Vilaplana e con outros da súa mesma talla”.
Autodidacta e antiga ilustradora científica, destaca pola cor e pola representación da figura feminina, que lle valeu o nome de “a pintora das mulleres”. A crítica salienta o seu estilo entre o cómic e o surrealismo e a forza expresiva das súas figuras. Conta con máis de 40 exposicións individuais, numerosas colectivas e unha traxectoria internacional recoñecida. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
