Lugo, 17 de xullo de 2014.- O presidente provincial do Partido Popular de Lugo e portavoz do Grupo Popular no Senado, Xose Manuel Barreiro mantivo este xoves na localidade de Foz, unha xuntanza de traballo cos deputados lucenses do Parlamento de Galicia.
Acompañado do secretario xeral Jose Manuel Balseiro e do alcalde de Foz, Javier Jorge Castiñeira, Barreiro e os deputados lucenses abordaron diversos aspectos de actualidade entre os que destacou o esforzo investidor da Xunta na comarca da Mariña lucense, materializado nas últimas datas en ámbitos que cualificou de estratéxicos, tales como as infraestruturas, a sanidade, os servizos sociais e o emprego.
INFRAESTRUTURAS
No ámbito das infraestruturas Barreiro salientou o avance na tramitación administrativa das obras de acceso ao porto de Burela, un proxecto vital para a mellor comunicación viaria desta importantísima dársena e da súa actividade pesqueira e comercial. A Xunta puxo data o mes próximo as actas de ocupación que, polo trámite de urxencia, permitirán as novas expropiacións.
Continuando neste ámbito Barreiro valorou moi positivamente a licitación anunciada onte pola Xunta do proxecto de obra para o ensanche, mellora do firme e sinalización da estrada Lu-124, treito Mondoñedo-Lindín que contribuirá a garantir uns accesos de calidade a autovía do Cantábrico. A finalización da A8 foi, para Barreiro, unha das actuacións máis importantes -non so polo grande investimento que supón senón polos efectos positivos que implica o aumento do número turistas que, empregando esta autovía xa completa na nosa provincia, visitan moitas localidades da Mariña e fan uso de restaurantes, comercios e servizos.
PLAN DIRECTOR DO HOSPITAL E ONCOLOXÍA
No ámbito sanitario, Barreiro salientou o desbloqueo da tramitación do Plan director do Hospital da Costa, cuxa adxudicación é inminente. O presidente provincial marcou como prioridade absoluta seguir avanzando nos trámites administrativos que permitirán dispoñer do proxecto construtivo. Sinalou que o compromiso co Hospital da Costa é firme, pese a complexidade dunha actuación destas características, que supón, por unha banda, determinar os novos espazos, servizos e a tecnoloxía a incorporar e facelo compatible coa continuidade da actividade habitual do centro.
Barreiro salientou tamén que este ambicioso proxecto non é incongruente coas melloras que se poidan introducir xa mesmo na prestación de servizos sanitarios tales como a unidade de hospitalización a domicilio, en plena operatividade, e as obras que continúan en execución durante do denominado como hospital de día oncolóxico, que rematarán co obrigado desprazamento a Lugo ou á Coruña da maioría dos enfermos que reciben tratamento de quimioterapia
RESIDENCIA EN FOZ
No ámbito dos servizos sociais Barreiro salientou o investimento que a Xunta executa na nova residencia para persoas maiores de Foz, que se materializará co inicio das obras, así como os apoios que o Goberno realiza en todos os concellos da comarca para o soporte do servizo de axuda no fogar para persoas dependentes ou a execución de garderías, como a nova de Burela, un dos concellos de maior poboación infantil
O EMPREGO COMO PRIORIDADE
En materia de emprego, Barreiro sinalou que en plena crise o Goberno galego volve a apostar pola Mariña lucense, achegando 710.000 euros para a posta en marcha dos obradoiros. A esta cantidade hai que engadir o financiamento e apoio dos custes de contratación do persoal que conforma as brigadas municipais contra incendios e o servizo de socorrismo en praias e piscinas así como das oficinas de turismo.
ORZAMENTOS DE 2015
O encontro que ten lugar tras o remate do período de sesións serviu tamén para marcar a estratexia a seguir nos próximos meses. Tras o verán, sobre a mesa están asuntos tan importantes como a fixación dos orzamentos autonómicos para 2015. Barreiro entende necesario centrarse na finalización destes proxectos en execución e o desbloqueo doutros como o treito autonómico do Corredor da Costa, nova prioridade.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
