NOTA DE PRENSA
O BNG PIDE CUNHA MOCIÓN O APOIO DA CORPORACIÓN DE CERVO ÁS ALEGACIÓNS PRESENTADAS POLOS VECIÑOS AO TRAZADO DA AUTOVÍA SAN CIBRAO-BARREIROS
Acusan ao alcalde de enganar e abandonar aos veciños por non consensuar con Burela un trazado alternativo que non prexudique aos dous concellos.
Os nacionalistas preguntarán cal foi o motivo polo que o goberno local non remitiu ningún informe durante a visita de técnicos de Fomento no ano 2008.
Cervo, 28 de xullo de 2009. O BNG presentou para o seu debate no pleno da corporación unha moción na que pide aos grupo políticos representados que se sumen ás alegacións presentadas por particulares e colectivos de Cervo ao trazado da Autovía de conexión entre San Cibrao e Barreiros. Os nacionalistas ademais preguntarán ao alcalde polo motivo que levou ao goberno municipal a non emitir ningún informe após da visita realizada por técnicos de Fomento ao concello no ano 2008, como si fixo o concello de Burela e así consta no expediente. Por outra banda, reiteran as criticas ao mandatario local por enganar e abandonar aos veciños ao non chegar a consensuar co concello de Burela un trazado que non prexudique aos dous concellos.
MOCIÓN DE APOIO DA CORPORACIÓN ÁS ALEGACIÓNS PRESENTADAS POLOS VECIÑOS.
Os nacionalista rexistraron unha moción na que demandan o apoio unánime da corporación ás alegacións presentadas polos veciños e colectivos de Cervo ao trazado da autovía. As alegacións presentadas en tempo e forma por veciños individuais e colectivos, piden por unha banda, o mantemento dos acuíferos e redes de subministro de auga ás súas vivendas que puideran resultar afectados polo trazado da autovía na que se presentaron mais de 30 alegacións. Ademais a Asociación de Veciños de San Román de Vilaestrofe, presenta alegacións na que piden modificacións puntuais do trazado para impedir que este afecte a unha vivenda na entrada da parroquia e a zonas cultivadas no núcleo da Calvela.
O ALCALDE NON FIXO OS EUS DEBERES NA DEFENSA DOS INTERESES DO CONCELLO E OS SEUS VECIÑOS.
O BNG denunciou o abandono do alcalde e do conxunto do goberno local aos veciños, por non facer todo o necesario para lograr un consenso co concello de Burela que permitira a presentación de alegacións comúns que beneficiarían aos dous concellos, lonxe disto, “actuaron con pasividade e o propio alcalde chegou a enganar ao veciños de San Román, propoñendo un novo trazado que ten poucos visos de saír adiante en o apoio de Burela, que xa aprobou en pleno alegacións noutro sentido”. Os nacionalistas sospeitan que o goberno local tiña decidido de antemán dar o visto bo ao trazado proposto polo ministerio, “non son casuais as declaracións feitas polo alcalde e o Tte. De alcalde, Sr. Balseiro, que daban por bo o trazado no seu paso por Cervo, sen nin sequera falar cos veciños”
PREGUNTAS SOBRE OS MOTIVOS QUE LEVARON AO CONCELLO A NON PRESENTAR NINGÚN INFORME NO ANO 2008.
Durante o ano 2008, técnicos de Fomento visitaron os concellos por onde discorre a autovía, e o concello de Burela remitiu un informe técnico ao ministerio advertindo da reserva de solo na zona sur do concello, como así conta no expediente. Os nacionalistas de Cervo queren saber cal foi o motivo polo que o concello non emitiu un informe similar, facendo constar os traballos realizados polo equipo redactor do PXOM, onde xa estaban delimitados os núcleos rurais e as súas áreas de expansión.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
