Mondoñedo, 29 de agosto de 2014.- O GDR da Mariña, asociación que xestiona o Programa Leader 2007-2013 na comarca, reuniuse na tarde de onte co sector de producción de horta de cara a analizar a situación do sector e deseñar actuacións que se poidan levar a cabo desde o GDR e que servan para apoiar e promocionar o sector.
Neste ano 2014, o GDR pretende editar unha guía na que se mesturará información sobre os produtos de horta da zona (desde época de plantación, de recollida, coidados, etc. ata a súa aplicación na cociña, coa inclusión de receitas) con información de interese para as persoas visitantes, tanto turística como puntos de venda dos produtos, feiras e mercados de horta, etc.
Como explica a xerente, Ana Ermida, “a actuación deste ano pretende só ser un punto de partida para poder levar a cabo no vindeiro ano ou noutros periodos actuacións de interese para o sector que poidan contribuir a melloralo.”
Na propia reunión saíron necesidades ou carencias que detectan as persoas que traballan na horta: desde os problemas para colocar os produtos ata a falla de información ou formación coa que se atopan as persoas que se incorporan, unha vez practicamente desparecida esa labor de entre as que poden levar a cabo nas oficinas agrarias comarcais.
Nese sentido, entre as persoas asistentes sentíase a necesidade de manter máis encontros para poder organizarse conxuntamente e, colectivamente, tratar de minimizar eses problemas que se atopan, tentando un intercambio de coñecementos e un mellor aproveitamento dos recursos.
Desde o GDR amosan satisfacción coa resposta que tiveron do sector e mostran a súa disposición “para acompañar calquera iniciativa que poida xurdir ao respecto e que serva para garantir o futuro do sector, mellorar as condicións e, consecuentemente, afianzar poboación no rural da nosa comarca”, afirma a xerente.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
