A Mariña, 30 de agosto de 2014.- A tregua do asedio de Israel sobre territorio palestino non evita a necesidade perentoria de axuda humanitaria para o pobo palestino sometido, con ou sen bombardeos, ao boicot e o asedio permanente do sionismo israelí. O BNG da Mariña impulsa en colaboración coas farmacias a recollida de material sanitario para o seu envío aos territorios de Gaza e Cisxordania a finais de setembro a través da fundación Aragüaney. Agradecen a magnífica acollida da proposta por parte das persoas e colectivos adheridos e as farmacias da comarca que colocarán nos seus establecementos caixas para o deposito das doazóns que os seus clientes poden mercar nas propias farmacias ou levar da casa, dentro dunha listaxe de material preferente.
Na rolda de prensa de presentación da campaña compareceron diante da farmacia Casariego de Burela unha delegación da Executiva Comarcal do BNG, Assad Abadi, pediatra de orixe palestino que exerce no Hospital da Costa de Burela, Iago Villamil, médico internista do Hospital da Costa, Ana Mejuto Esmorís, responsábel na Mariña da Asociación Solidariedade Galega co Pobo Saharauí e Marta Amat Casariego, responsábel da Farmacia Casariego de Burela.
A campaña desenvolverase do 30 de agosto ao 25 de setembro, trasladando o material recollido o día 26 á sede da Fundación Aragüaney en Compostela para que a final do mes de setembro parta con destino a Gaza e Cisxordania. O material preferente para esta axuda humanitaria será Antibióticos(con caducidade posterior a 2014), analxésicos, vendas, gasas, material de sutura, material de curas, material protésico, leite en po para nen@s, cueiros para nen@s e adult@s, xabrón, tendas de campaña, soros(salino e glucosado), etc. Aclaran que aquelas farmacias ou establecementos que se queiran sumar á campaña poden contactar co tlf. 982140654 de 10 a 14 horas para recibir mais información. Así mesmo, explican desde o BNG, que na web da Fundación Aragúaney póñense a disposición outras vía de colaboración para o persoal sanitario e axudas económicas.
O BNG mariñao promove esta campaña na comarca, ao igual que o fai noutras do país, agardando das e dos mariñaos a máxima solidariedade e apoio para un pobo sometido a un estado de sitio permanente por parte de Israel que cun exercito moderno, ben armado e apoiado polas potencias occidentais, someteu nos últimos dous meses á poboación palestina a constantes bombardeos nunha loita desigual que deixou como resultado milleiros de vítimas civís palestinas e a destrución de infraestruturas e vivendas que levará anos reconstruír.
A fronte nacionalista aproveitou para, unha vez mais, condenar enerxicamente a agresión xenocida contra o pobo palestino que ten dereito a contar con territorios propios e a unha solución pacífica, xusta e duradeira ao conflito existente en Gaza. Ao tempo condenou a hipocrisía da comunidade internacional, especialmente dos EE.UU. que destina millóns de dólares en axudas económicas e militares a Israel e que no caso do estado español multiplicou por 10 nos últimos anos a venda de armas a este pais que so foi suspendida de maneira provisional durante o mes de agosto.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
