BURELA (FNC) .- O xoves 30 de xullo remata a primeira tempada do clube de lectura de Burela que iniciou a súa andaina o pasado mes de outubro na bibliteca pública. A concelleira de Cultura, Neves Cando, sinala que “ao longo destes nove meses de percorrido que continuará en setembro as persoas participantes, un total de 20, limos quince libros dos máis diversos estilos, épocas e autores. Comenzamos a finais de outubro co Clube da calceta de María Reimondez e contamos coa presencia da propia autora que compartiu con nós as súas vivencias sobre a novela. E a partires de aí reúnimos cada quince días para comentar o libro correspondente”. El amor en los tiempos del cólera de García Márquez, El retrato de Dorian Gray de Óscar Wilde, A sangre fría de Truman Capote ou a primeira e segunda parte da triloxía Millenium de Stieg Larsson foron algúns dos libros dos que disfrutaron os participantes no clube de lectura de Burela. Neves Cando engade que “tamén a literatura galega tivo cabida no noso clube e a parte do Clube da calceta tamén compartimos as nosas experiencias tras a lectura de Resistencia de Rosa Aneiros ou O sol de verán de Carlos Casares”.
A edil nacionalista lembra que “este clube de lectura naceu coa intención de xuntar a un grupo de persoas amantes da lectura que cada quince días comentamos os libros escollidos. Hai distintas bibliotecas da rede galega que poñen a disposición os seus fondos bibliográficos para estes intercambios de libros e así podemos contar cuns 400 títulos entre os que facemos a escolla, segundo distintos criterios por preferencias de xénero, de autor, de temática ou simplemente polas referencias que temos del. E a partires de aí consolidamos o noso hábito pola lectura nun punto de encontro que se podería denominar ler polo pracer de ler”. Cando segue a relatar que “somos arredor de 20 persoas as que seguimos habitualmente estas reunión e as lecturas correspondentes, o que desde a Delegación de Cultura nos permite valorar esta actividade como un rotundo éxito polo que de punto de encontro dos amantes da lectura e da conversa supón. Rematamos esta tempada coa novela gañadora da 27 edición do premio Blanco Amor que foi organizado en Burela. Trátase de Monte louro de Luis Rey Núñez”. O concelleira de Cultura convida “a todas as persoas que sendo amantes da lectura e do intercambio de experiencias sobre esta se queiran unir ao noso clube posto que temos as portas abertas a todos e a todas”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
