LUGO .- O Presidente da Deputación, José Ramón Gómez Besteiro, e o Deputado de Cooperación cos Concellos, Antonio Gato Soengas, presentaron este venres o novo sistema que ofrecerá o organismo provincial para a contratación conxunta do subministro eléctrico dos Concellos, o que permitirá un prezo máis económico que o actual e supoñerá un aforro significativo na factura de cada municipio. Gómez Besteiro destacou que “esta é unha nova liña de Cooperación pioneira entre as Deputacións de España e que foi ben acollida pola Federación Española de Municipios e Provincias. A Cooperación cos Concellos é un dos piares fundamentais sobre o que se sustenta a acción deste goberno, e o longo destes 2 anos témolo demostrado con feitos. A nosa obsesión é ser útiles á provincia e esta é unha mostra de austeridade ben entendida”.
Na actualidade un Concello medio da provincia de Lugo ten un gasto eléctrico anual de 175.000 euros. Os máis grandes superan os 500.000 e o máis pequenos da provincia ós 10.000 euros. A nova iniciativa da Deputación é posible grazas a que o Real Decreto 485/2009 do tres de abril abre a posibilidade de contratar a subministración eléctrica cunha empresa comercializadora a un prezo libremente pactado. Atendendo a este cambio na lexislación, a Deputación elaborará un prego para a contratación deste subministro naqueles Concellos que se sumen a esta iniciativa.
O titular provincial subraiou que “tamén se cumpre o dito de que a unión fai a forza, xa que cantos máis Concellos opten por adherirse, acadaremos un prezo máis vantaxoso. É outro exemplo de economía de escala que queremos iniciar no último trimestre deste ano”.
Esta mesma semana enviouse unha carta ós 66 Alcaldes, agás o de Lugo porque supera os 20.000 habitantes, para informarlles sobre esta iniciativa. Gómez Besteiro sinalou que “nos momentos económicos difíciles hai que reinventar fórmulas. Un demostra que é un bo xestor cando os recursos son limitados e a necesidade agudiza o enxeño. O aforro no subministro eléctrico permitirá que os Concellos invistan estes cartos noutras necesidades dos seus veciños”.
Outras liñas de Cooperación
Esta nova liña de Cooperación cos Concellos súmase a outras emprendidas polo actual equipo de goberno e que tan bos resultados están a dar. O responsable provincial lembrou algunhas destas actuacións: o Fondo Extraordinario da Deputación por un valor de 1,5 millóns de euros co que o organismo provincial complementou o Plan E de Zapatero; o novo Sistema Provincial de Recadación que aforra 500.000 euros ó ano ós Concellos; o sistema de xestión da roza das estradas provinciais, a través do cal os Concellos xestionan directamente, e isto permite aforrarlles cartos; a aposta da Deputación polo emprego estable, elaborando Relacións de Postos de Traballo para os Concellos e que lles aforra 500.000 euros anuais; a creción doutros plans que axudan á dinamización económica dos Concellos máis pequenos e a mellorar as súas infrestruturas, como o Plan de Pequeñas Infraestructuras para aquellos municipios de menos de 5.000 habitantes, ó que se destinaron este ano 700.000 euros; o novo sistema de xestión catrastral, que a Deputación está ultimando e que é outro exemplo de contratación conxunta cos Concellos para aforrarlles cartos; ou a creación da rede provincial de bombeiros na que os municipios non teñen que aportar o 15% previsto inicialmente, xa que este coste é asumido pola institución provincial.
Acordos da Xunta de Goberno
Por outra banda, a Xunta de Goberno aprobou este venres, a adxudicación provisional das obras de mellora e renovación de afirmado de 12,280 quilómetros da estrada provincial de San Clodio a Casares, no Concello de Ribas do Sil. O proxecto foi adxudicado por 690.907 euros, cunha mellora de obra por 33.173 euros.
Tamén se deu o visto e prace a 3 contas xustificativas do Plan de Comunidades Veciñais correspondentes ó ano 2008. Os proxectos suman un total 36.791 euros dos que a Deputación achega 26.048.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
