Cervo, 25 de setembro de 2014- O Concello de Cervo dá un paso máis no seu plan de fomento do emprego xuvenil, abrindo as portas tamén aos titulados que estudasen na Universidade asturiana. Para iso, o consistorio asinará nos próximos días un convenio coa Fundación Universidad de Oviedo que fará posible esta medida.
Desta maneira, ampliarase o número de mozos que poderán optar a unha bolsa formativa sen ter que deixar fóra a ningún titulado só polo feito de que estudase na Universidade asturiana. De feito, o Concello comprobou que existen cervenses que cursan os seus estudos superiores no Principado debido á súa proximidade, polo que decidiu dar cabida tamén aos titulados pola Universidade de Oviedo.
Cabe destacar que o Concello comezou no 2013 a ofrecer bolsas formativas á xuventude a través dun convenio con FEUGA (Fundación Empresa-Universidade Galega), e dende entón xa participaron 27 mozos e mozas. Nese caso poden acceder aqueles titulados que estudasen ciclos de FP ou graos universitarios en calquera centro de Galicia.
Detalles
O funcionamento desta nova opción será semellante ao das bolsas con titulados en centros galegos, aínda que no caso asturiano só poderán participar aqueles que teñan formación universitaria. O Concello financiará o importe íntegro da bolsa, de forma que os estudantes farán prácticas nos servizos municipais. En canto á remuneración, será a mesma que nos casos dos titulados en Galicia.
“O obxectivo é que toda a mocidade con estudos e formación poida obter unha bolsa e facer as súas primeiras prácticas profesionais, dándolles unha oportunidade para que obteñan experiencia laboral e despois accedan con máis facilidade ao mercado de traballo” explica a edil de Emprego, Yolanda Pedreira. A edil considera que esta medida “virá a mellorar e completar esta iniciativa de fomento do emprego xuvenil”. Tamén cabe resaltar que Cervo é a primeira entidade galega que asina un convenio deste tipo coa Fundación Universidade de Oviedo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
