Finalizada a tempada de aire libre, o Trofeo San Froilán 2014 celebrado en Lugo o sábado 27 de setembro, abre a tempada de tiro con arco en sala. Ata alí desprazouse equipo do Club Iadovi, formado por oito arqueiros de distintas categorías, pero idéntica modalidade de tiro con arco, o recurvo.
Tras finalizar a xornada non puido terminar mellor para a escadra mariñá: catro podios e mellora xeral de puntuacións medias.
Infantil
Na categoría Infantil competían os nosos alevíns (unha categoría por encima da súa). Beatriz Melo Botelho conseguía a terceira posición na súa primeira tirada como infantil cunha puntuación de 366 puntos de 600 posibles. Ángel Galante Briones finalizaba na cuarta posición con 487 puntos mellorando a súa última marca de 474 puntos, conseguida en Cambrils (15/02/2014) no Campionato de España para menores de 14 anos.
Novel
Na categoría Novel, para maiores de 14 anos, estreábase a última incorporación ao Club, Iván Cendán Lindín, que obtiña a terceira praza, con 526 puntos.
Cadete masculino
Na categoría de cadete masculino, Gabriel Galante Briones obtiña o segundo posto con 554 puntos mellorando do mesmo xeito que o seu irmán menor a marca obtida en Cambrils no Campionato de España de Sala onde se proclamaría Subcampión de España con 544 puntos. Francisco Melo Botelho, finalizaba quinto con 394 puntos mellorando tamén a súa marca persoal conseguida en Pontevedra (19/01/2014) no campionato Galego de Sala onde asinaría unha táboa de 374 puntos.
Sénior
Na categoría Senior Dama, Ana María Briones Montes, facía caer a súa marca persoal conseguida o 26/01/2013 no VIII trofeo de O Barco de Valdeorras (Ourense) onde situaba o seu tope en 477 puntos, ata os 505 puntos que lle valeron a terceira praza do Trofeo a tan só 10 puntos do primeiro posto.
Na categoría Senior masculino os dous representantes, Jose Manuel García Cordido, máis coñecido en Burela coma “O Campaneiro”, conseguía a praza 14 con 465 puntos, seguido de Jorge Galante Pérez que ocupaba a praza 15 con 447 puntos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
