Lourenzá, 14 de outubro de 2014. A Concellería de Educación de Lourenzá mantén o prazo aberto para que tódolos mozos e mozas de entre 16 e 30 anos poidan inscribirse no curso Consumo xeito, que se levará a cabo o venres 7 de novembro no salón de actos da Casa do Concello. A actividade forma parte do Plan Activa de formación para a mocidade, posto en marcha pola Xunta de Galicia, e ten carácter gratuíto. Os interesados poden formalizar xa a súa inscrición en horario de 17:00 a 20:00 horas na biblioteca municipal. A actividade só poderá levarse finalmente a cabo se conta cun número mínimo de dez inscritos.
A concelleira de Educación e Cultura de Lourenzá, Lupe Flórez Seivane, explicou que é “unha nova actividade que se enmarca dentro do programa Activa 2014 de formación para a mocidade, que chega ao noso concello a través da Xunta de Galicia, concretamente a través da Rede Galega de Dinamización Xuvenil. Trátase nesta ocasión dun obradoiro de consumo con xeito, que está basicamente dirixido a mozos de entre 16 e 30 anos. Os contidos que se abordarán serán catro. Por unha banda, as novas formas de consumo e a idea de forza do consumo do futuro. Por outra, a análise de consumo por Internet, moi estendida nos nosos días e sobre todo na poboación máis moza. Outro dos aspectos a tratar será aprendendo a analizar a publicidade que induce a consumir. E xa como último punto que abarca este obradoiro estará todo o referido aos recursos para o consumo seguro, sobre todo a través das novas redes de comunicación cibernéticas.”
A edil aclarou que “o curso vai a celebrarse o venres 7 de novembro no salón de actos do Concello cunha duración de dúas horas. As persoas anotadas van recibir un diploma acreditativo da presenza neste obradoiro. Os interesados teñen de prazo para inscribirse ata o 31 de outubro na biblioteca en horario de tarde, de 17:00 a 20:00 horas. Na biblioteca, a través da informadora xuvenil, tamén poderán recibir información máis pormenorizada deste obradoiro. Hai que ter en conta que é necesario un grupo mínimo de participantes para que a persoa que vai impartir o obradoiro se desprace ata o noso concello, motivo polo que necesitamos formar un grupo cun mínimo de 10 mozos”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
