A Mariña, 29 de outubro de 2014.- O colectivo de emigrantes retornados da Mariña volveu decepcionado e indignado coa actitude do Partido Popular que negou cos seus votos a iniciativa do BNG de modificar a lei 35/2006 do IRPF para evitar a discriminación existente entre pensionistas que perciben unha o varias pagas como sucede coa totalidade dos emigrantes retornados. O colectivo acusa aos deputados mariñaos do PP, Vidal Martínez Sierra e José Manuel Balseiro de traizón e complicidade necesaria con quen nos rouba, estes dous señores votaron a favor nos seus concellos das nosas demandas pero chegan o parlamento e prefiren conservar as súas cómodas cadeiras a mollarse polos seus veciños e veciñas.
O colectivo lembrou que a iniciativa debatida hoxe no Parlamento Galego presentada polo BNG, “é o principal obxectivo dos emigrantes retornados”, “era por tanto nosa e non só do BNG, polo que o PP hoxe volveu darnos as costas e nós deberemos facer o mesmo cando se presente a ocasión nas próximas eleccións”. Critican que a Facenda española está facendo caixa á conta nosa, mais tamén das moitas persoas que por desgraza hoxe non teñen un emprego estábel, “cos mesmos ingresos anuais – superiores a 11.200 euros e inferiores a 22.000 – a presión fiscal é moi inferior para quen ten un único pagador que para quen ten varios, aínda que un deles sexa un subsidio por desemprego”.
Na mesma semana en que persoas tan relevantes dentro desta organización como Rodrigo Rato, Acebes ou Granados; na mesma semana en que se denuncian tramas de corrupción con altos cargos do partido en Galiza implicadas no Caso Zeta. Causa indignación e carraxe que un partido político como o PP implicado nestes e noutros escándalos, sexa ao mesmo tempo insensíbel con mais 200.000 traballadores e traballadoras que tivemos que marchar na busca de oportunidades fora da nosa terra.
O colectivo cargou contra os dous deputados do PP de procedencia mariñá, José Manuel Balseiro e Vidal Martínez Sierra, que aproban nos seus concellos iniciativas de apoio ás nosas demandas mais cando chega a hora de posicionarse con claridade naquel foro do que dependen os seus salarios e cadeiras de poder dannos as costas para vir dentro duns meses pedir o noso voto, que temos claro non van recibir.
Desde Emigrantes retornados da Mariña agradecen ao BNG o seu apoio demostrado desde que se iniciou este problema fai un ano e en concreto as múltiples iniciativas tanto no Congreso dos Deputados como no Parlamento Galego, e en concreto nesta proposición de lei que avanzaba en ofrecer unha solución definitiva aos nosos problemas.
O colectivo anuncia que todas as plataformas comarcais, incluída a mariñá, concentraranse o próximo martes 4 de novembro diante das delegacións comarcais de facenda. “Incrementaremos a presión social porque non estamos en disposición de soportar o asalto ás nosas pequenas pensións, nin a insensibilidade e o desprezo co que nos está tratando o Sr. Feijoo e o seu partido.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
