Lugo, 11 de novembro de 2014. O vicepresidente e o responsable de Cultura da Deputación de Lugo, os nacionalistas Antonio Veiga e Mario Outeiro, presentaron este martes no Museo Provincial o primeiro Concurso Postal do Nadal Dixital, que organiza a Vicepresidencia Primeira do organismo provincial e que vai dirixido a todos nenos de entre 4 e 14 anos que cursen os seus estudos nalgún dos centros de Primaria e Secundaria da provincia lucense. “Aínda que pareza incrible, xa temos o Nadal á volta da esquina e como nos encanta estar continuamente creando, queremos propoñer aos centros educativos que comuniquen e animen a todo o seu alumnado a participar neste primeiro concurso de postais dixitais”, comentou Mario Outeiro.
Baixo o título ‘Nadal na nosa provincia’, as creacións que se envíen deberán ter en conta o Nadal dende o punto de vista da cultura, o turismo, o benestar ou o deporte. “Convidámolos a que elaboren unha postal do Nadal utilizando as novas tecnoloxías. Calquera idea que se lles ocorra será ben recibida, sempre e cando estea relacionada coas distintas áreas que forman a Vicepresidencia Primeira, é dicir, a cultura, o turismo, o deporte ou o benestar”, explicou o responsable de Cultura e Turismo. Cada participante elixirá individualmente a temática e achegará co debuxo unha breve explicación do porqué da súa elección.
Contido orixinal, en galego e prazo de presentación
O contido do debuxo deberá ser orixinal e inédito; será de técnica libre, sempre que se presente en formato dixital; e en canto ao idioma será obrigatoriamente en galego. “O obxectivo é fomentar a participación, os valores de convivencia e a expresión artística das nosas tradicións, cultura e deporte”, sinalou Outeiro.
O prazo de presentación rematará o vindeiro 9 de decembro ás 14 horas. Os centros educativos designarán un titor ou titora que se encargarán de subir os traballos de cada unha das categorías nas que participen. Enviaranos a través da páxina web da Vicepresidencia Primeira da Deputacion (www.v1deputacionlugo.org), picando no banner do concurso e indicando todos os datos que se solicitan no formulario de envío. Unha vez resolto o premio, requiriráselle aos centros os datos persoais de cada participante.
Todos os traballos presentados serán expostos na devandita páxina web dende o día 18 ao 22 de decembro, ambos os dous días incluídos. As postais poden ser con ou sen animación, pero en ningún caso poderán pesar máis de 1MB. “Na paxina web da Vicepresidencia estarán dispoñibles as bases e toda a información para que os centros e, polo tanto, os rapaces participen”, afirmou Outeiro.
Tres categorías en función das idades
O concurso dividirase en tres categorías, tendo en conta as idades dos participantes. Para cada franxa de idade estableceranse diferentes premios e todos os participantes recibirán un diploma alusivo á súa participación. A primeira categoría abranguerá aos nenos e nenas dende os 4 aos 6 anos. O autor ou autora da mellor postal será obsequiado cun xogo didáctico, un pendrive, un lote de libros, un suadoiro, lapiseiros de cores e material divulgativo. O segundo levará un pendrive, un lote de libros e lapiseiros de cores. Pola súa banda, o terceiro recibirá un pendrive e lapiseiros de cores.
Na segunda categoría participarán os nenos e nenas entre os 7 e os 9 anos. O primeiro premio consistirá nun pendrive, un lote de libros, un suadoiro e material divulgativo; o segundo nun pendrive, suadoiro e material divulgativo da Vicepresidencia 1ª da Deputación de Lugo; mentres que o terceiro comporase dun pendrive e material divulgativo.
Finalmente, na terceira categoría competirán as postais dos estudantes dende os 10 aos 14 anos. O autor ou autora da mellor levará un pendrive, un lote de libros, un suadoiro e material divulgativo; o segundo un pendrive, un lote de libros e material divulgativo; mentres que o terceiro será obsequiado cun pendrive e material divulgativo.
Premio especial á mellor postal
A mellor postal do Nadal recibirá un premio especial (non poderá recibir outro premio na categoría á que pertenza) que premiará tanto ao autor ou autora como a todos os seus compañeiros de curso do seu centro. O premiado será obsequiado cunha tablet de última xeración, un pendrive, un suadoiro e material divulgativo. A maiores, as compañeiros e compañeiros do mesmo curso e centro (incluiranse todas as clases que pertenzan a ese curso: A, B, C,…) do gañador ou gañadora serán agasallados cunha viaxe cultural pola provincia de Lugo, con todos os gastos pagados: transporte, almorzo, actividades, etc.). Así mesmo, a postal gañadora será a tarxeta coa que a Vicepresidencia Primeira da Deputación de Lugo felicitará estas festas do Nadal.
Fallo do xurado
O fallo do xurado, que será inapelable, efectuarase o día 15 de decembro e a entrada dos premios levarase a cabo nun acto público o 18 de decembro no Museo Provincial de Lugo. O xurado estará presidido polo delegado de Cultura e Turismo da Deputación, Mario Outeiro; e acompañarano o delegado de Benestar e Deporte, Antonio Veiga; o gañador do primeiro Premio de Fotografía Contemporánea; o xefe de Servizo de Benestar e Deporte; a xefa de Servizo de Cultura e Turismo; a directora do Museo Provincial, Aurelia Balseiro; e o responsable de Normalización Lingüística.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
