O Burela Pescados Rubén segue sumando. Este sábado selou a súa sétima vitoria consecutiva na pista do Gironella (1-4). As pupilas de Quico Otero concentraron a súa artillería goleadora antes do descanso.
As laranxas foron claras dominadoras da cita, con posesión e perigo, ante as escasas ocasións das locais. No minuto 4, Bea Mateos adiantou as galegas a pase de Shiori, e antes de chegar ao ecuador da primeira parte Peque subía o 2-0, tras roubo de balón (minuto 9). No último minuto antes de soar a bucina do descanso as burelistas ampliaron a fenda, de novo nas zapatillas de Peque, asistida por Shiori, e con Paula; a moza mariñá púxolle a guinda a un contraataque iniciado pola 7 laranxa.
No segundo período, a contenda equilibrou levemente as súas forzas con aposta esporádica de xogo de cinco por parte do Gironella. As burelistas dispuxeron de numerosas ocasións aínda que a fortuna goleadora deulles as costas. Con todo, a renda da primeira parte serviulles para defender os tres puntos ante un rival que só foi capaz de perforar a meta laranxa a falta de cinco minutos para o final; con porteira xogadora, Lidia anotou o definitivo 1-4, cun balón que pegou en Maite.
Ficha técnica
Gironella FS: Noe, Celia Catá, Berta Ramos, Claudia Pons e Ingrid Vieites (quinteto inicial). Tamén xogaron, Judith, Lidia Abellán e Pilar Ribes
Burela FS Pescados Rubén: Jozi, Peque, Shiori, Bea Mateos, Maite (quinteto inicial). Tamén xogaron Claudia, Taina, Lara, Paula, Cristina, Patri
Goles: 0-1, minuto 4, Bea Mateos; 0-2, minuto 9, Peque; 0-3, minuto 19, Peque, 0-4, minuto 19, Paula; 1-4, minuto 35, Lidia Abellán
Tarxetas: Por Gironella amarela a Celia (minuto 10), Pilar (minuto 38). Por Burela FS amarela a Bea Mateos (minuto 19)
Árbitros: Marc Fernández // Feliz Valiente.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
