O Concello de Viveiro, organizou este martes 25 de novembro varios actos con motivo do Día Internacional contra a violencia de xénero.
-Convocatoria ante as portas da Casa do Concello para gardar 5 minutos de silencio e a lectura dun manifesto por parte da concelleira de Facenda, Muller, Educación e Emigración, contra a violencia de xénero.
– Elaboración do I Plan de Igualdade de Oportunidades para un centro educativo (PIOCE) en colaboración co alumnado de 4º da ESO do IES María Sarmiento de Viveiro. Unha vez rematado o Plan, contra finais da semana, levarase a cabo unha presentación do documento pioneiro, no que se analiza a realidade do centro educativo e se propoñen actuacións para a consecución dunha real e verdadeira igualdade de oportunidades e a prevención contra a violencia de xénero, sobre todo entre a xuventude.
E o sábado 29 de novembro levarase a cabo unha performance ás 17.30 horas na Praza Maior na que se escenificará unha representación das mulleres vítimas de violencia de xénero e que contará coa participación de tres grupos de teatro locais (Pequenos Pasos de Landrove, Andanzas de Viveiro e Espazo Crea de Viveiro), así como de varias asociacións de mulleres do concello. A ambientación musical correrá a cargo dun grupo de gaitas do Conservatorio Profesional de Música de Viveiro dirixido por David Bellas. Posteriormenete, levarase a cabo a lectura dun manifesto contra a violencia de xénero.
Este acto conmemorativo organízase en colaboración co Observatorio da Mariña pola Igualdade que vai coordinar a celebración do mesmo acto en diversos concellos da Mariña lucense (Viveiro, Ribadeo e Mondoñedo) nos que existen Centros de Información ás Mulleres, escenificando así a visibilización da unión e sensibilización contra a violencia de xénero.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
