O Burela FS Pescados Rubén caeu este sábado na visita do todopoderoso FC Barcelona por un axustado 2-3, nun encontro no que os pupilos de Juanlu Alonso ofreceron unha grande imaxe; mereceron máis logo dunha primeira parte con vantaxe de 2-1 e cunha gran reacción na segunda parte, sendo competitivos ata o final. Estes tres puntos colocan os cataláns no liderado.
O conxunto laranxa saltou á pista dun ateigado Vista Alegre con forza. Non quixeron ceder nadiña de nada dos seus espazos, plantaron cara e sentenciaron. Xa no minuto 3, Matamoros inauguraba o electrónico desde saque de esquina de Isi. Con vantaxe de 1-0 e tras unha tentativa envelenada de Dyego, Iago, no minuto 8, volveu facer vibrar a bancada, cun balón que se estrelou no corpo de Paco Sedano. Segundos despois, Gabriel non perdoaba e superaba a Edu cunha picada; co empate e rozando o ecuador da primeira parte, o 5 barcelonés volvía tentar a meta do naronés sen éxito. Desde balón parado, no minuto 13, o Burela FS volveu mover o marcador; esta vez con finalización de Iago Míguez desde córner de Antoñito e Edu volveu ser determinante cunha prodixiosa man fronte a un lanzamento afastado de Saad. Tiveron máis ocasións os mariñáns para marcar distancias, pero non conseguiron definir; a máis clara para poñerse 3-1 antes do descanso de Chano, a pase de Iago, que salvou Lin, no minuto 18.
O titánico Barcelona saltou á pista na segunda parte para dar a volta ao marcador. Xa no minuto 21, Lin controlaba e definía fronte a Edu cun disparo raso cruzado e tan só 30 segundos despois Ferrao, de costas na área, subía en 2-3, a pase de Saad. Co electrónico por primeira vez en contra, os laranxas seguiron traballando para xerar ocasións de perigo fronte ao gran Barcelona. Intentouno Matamoros, no 23, de lonxe, e Antoñito non conseguiu chegar no centro de Paco Sedano asistido por Isi, no 28. Pero a grande oportunidade, a que levantou a bancada de Vista Alegre, protagonizouna Mata rozando o minuto 30 ante un gran despexe de Sedano. Correctísimo tamén estivo Edu ante a avalancha catalá nos seguintes minutos, freando dúas tentativas moi seguidas, de Saad e Wilde, que precederon outro balón de ouro para os burelistas; Iago Míguez tivo nas súas zapatillas o empate, a falta de tres minutos para o final, salvado in extremis por Wilde. Os pupilos de Juanlu apostaron polo xogo de cinco nos últimos 57 segundos liderado por Mata, que tivo de novo nos seus pés o empate a tan só 8 segundos, sen tempo para máis.
Ficha técnica
Burela Pescados Rubén: Edu, Isi, Matamoros, Carlitos, Antoñito, cinco inicial; tamén xogaron Iago Míguez, Hélder, Chano, Ángel
FC Barcelona: Paco Sedano, Gabriel, Lin, Saad, Wilde, cinco inicial; tamén xogaron Rafa Usín, Aicardo, Dyego, Ferrao, Adrián Ortego
Goles: 1-0, minuto 3, Matamoros; 1-1, minuto 8, Gabriel; 2-1, minuto 13, Iago Míguez; 2-2, minuto 21, Lin; 2-3, minuto 22, Ferrao
Árbitros: Gutiérrez Lumbreras // López Díaz (Madrid)
Tarxetas: Por Burela FS amarela a Isi (minuto 18). Por FC Barcelona amarela a Lin (minuto 30)
Incidencias: Partido correspondente á xornada 17 da Primeira División da Liga Nacional de Fútbol Sala disputado en Vista Alegre. 1300 espectadores.
*Foto: Marián García Mesa.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
