Santiago, 13 de xaneiro de 2015.- A Consellería do Medio Rural e do Mar, en coordinación cos servizos de emerxencia, retirou no 2014 un total de 572 niños de Vespa Velutina, especie invasora que afecta á produción apícola ao atacar ás abellas. En total, foron 946 niños confirmados en diversos municipios, pero 374 dos casos non puideron ser retirados por resultar inaccesibles.
Con motivo de seguir traballando no Plan de Vixilancia e Control fronte a Vespa Velutina, nos vindeiros días terá lugar unha reunión de coordinación entre persoal da Secretaría Xeral de Medio Rural e Montes e da Dirección Xeral de Produción Agropecuaria da Consellería do Medio Rural e do Mar; da Dirección Xeral de Emerxencias e Interior da Vicepresidencia e da Dirección Xeral de Conservación da Natureza, da Consellería de Medio Ambiente, con todos os delegados territoriais da Xunta e as asociacións apícolas de Galicia. A esta xuntanza tamén asistirá persoal da Federación Galega de Municipios e Provincias, FEGAMP e nela estudaranse os traballos xa realizados e a levar a cabo neste 2015 co fin de minimizar os prexuízos causados por este insecto.
O procedemento establecido polo departamento que dirixe Rosa Quintana no pasado ano desenvolveuse en dúas vertentes. Por un lado, a detección precoz da existencia da Vespa velutina nun determinado territorio e, por outro, a eliminación da mesma no menor tempo posible alí onde de detectou.
Así, estableceuse unha rede de vixilancia entomolóxica estendida por todo o territorio, mediante o trampeo selectivo e regulado destes insectos, facendo maior fincapé en zonas onde xa existían evidencias de presenza en anos anteriores. Dos 946 niños confirmados, 129 correspondían á provincia de A Coruña, 623 á provincia de Lugo, 1 á provincia de Ourense e 193 á provincia de Pontevedra. As zonas máis afectadas corresponden ao norte das provincias da Coruña e Lugo e ao sur de Pontevedra.
Con respecto ás tarefas de control e eliminación de vespas e niños, procedeuse á supresión física de niños, o trampeo de vespas obreiras ao longo do todo o ciclo biolóxico anual deste insecto e o trampeo selectivo de raíñas. Así, cómpre destacar o elevado número de exemplares capturados -na súa meirande parte na Mariña lucense-, entre os cales destacan as futuras raíñas, potenciais que darían lugar a unha nova colonia na tempada 2015.
Paralelamente aos traballos en campo, realizáronse actividades de formación e divulgación dirixidas ás unidades da Xunta, apicultores, concellos e público en xeral. Así mesmo, incorporouse información sobre o programa de vixilancia e control deste insecto na páxina web da Consellería do Medio Rural e do Mar e realizáronse programas divulgativos na Televisión de Galicia.
Axudas a apicultura
Ademais a Consellería do Medio Rural e do Mar realiza outro tipo de accións para por en valor o sector apicultor galego. Unha delas é a convocatoria de axudas que publicou onte o Diario Oficial de Galicia para o fomento daquelas actividades destinadas a mellorar a produción e comercialización dos produtos da apicultura.
A estas axudas o departamento que dirixe Rosa Quintana destina 400.000 euros, cofinanciados nun 50% polo FEAGA da Unión Europea, nun 25% polo Ministerio de Agricultura, Alimentación e Medio Ambiente e nun 25% pola Consellería do Medio Rural e do Mar. Poderán ser beneficiarios delas os titulares de explotacións apícolas ou cooperativas dedicadas a esta actividade, organizacións representativas e asociacións de apicultores inscritos no rexistro oficial apícola da Comunidade Autónoma con anterioridade ao 1 de xaneiro de 2014.
Os solicitantes deberán dispoñer dun seguro de responsabilidade civil, ser titulares dunha explotación con máis de 50 colmeas, ter realizada a declaración censal anual referida ao ano 2014 e realizar polo menos un tratamento ao ano fronte a enfermidade da varroase. Entre os gastos subvencionables figuran actuacións como a asistencia técnica aos apicultores, a loita contra a varroase ou a racionalización da trashumancia.
O prazo para a presentación de solicitudes será dun mes, contado a partir deste martes, o día seguinte ao da publicación da orde no Diario Oficial de Galicia.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
