Ribadeo, 22 de xaneiro de 2015.- A Asociación Cultural Casa das Letras, dentro da súa programación anual, organiza para o vindeiro venres 23 de xaneiro, as 20:30 h, unha CHARLA-COLOQUIO.
Baixo o título xenérico de O Pazo de Tovar e o Condado de Ribadeo, Carlos Andrés González Paz (investigador do INSTITUTO PADRE SARMIENTO) e José Ventoso Iglesias (actual propietario do Pazo de Tovar) achegarannos á figura de Antonio de Tovar, administrador do Condado de Ribadeo, titular da Torre de Cedofeita e señor do Pazo de Tovar.
Este acto terá lugar no Salon de Actos da Casa das Letras de Ribadeo.
Carlos Andrés González Paz cursou estudos de Dereito na Universidade de Santiago de Compostela, onde se licenciou con grao en Humanidades, especialidade de Historia Medieval, ampliando a súa formación como historiador medievalista na Universidade do Porto (Portugal). Actualmente é titulado superior de actividades técnicas e profesionais no Instituto de Estudos Galegos “Padre Sarmiento”, centro mixto de investigación do Consello Superior de Investigacións Científicas (CSIC) e da Xunta de Galicia, radicado en Santiago de Compostela.
Nos últimos anos sobresaen entre as súas liñas de investigación: A) O estudo das peregrinacións jacobeas e jerosolimitanas durante a Idade Media, dedicando unha especial atención á presenza das mulleres no Camiño de Santiago. B) A análise do papel das mulleres na historia social de Galicia, aplicando un criterio cronolóxico transversal. C) O patrimonio cultural material galego, fundamentalmente determinadas edificacións de poder como castelos ou pazos.
Entre a súa máis recente produción científica poderíase salientar a publicación, como editor responsable, das seguintes monografías:
El Pazo de Tovar: espacios, perspectivas, tiempos. Monografía núm. 12 de Cuadernos de Estudios Gallegos. Santiago de Compostela: CSIC, 2012.
Escritoras na Galicia do século XIX. Monografía núm. 13 de Cuadernos de Estudios Gallegos. Santiago de Compostela: CSIC, 2014.
Women and Pilgrimage in Medieval Galicia. Farham, Surrey: Ashgate, 2015.
De igual modo, brevemente, do seu currículo vítae poderíanse referir outros elementos significativos como: A) A participación, e en ocasións coordinación, en varios proxectos de investigación logrados en convocatorias autonómicas, nacionais e europeas. B) A realización de estanzas en centros de investigación de países como Hungría, Portugal ou Francia. C) A presentación de máis dunha sexentena de comunicacións, relatorios ou seminarios en foros nacionais e internacionais. D) A publicación de artigos e capítulos en revistas e obras de autoría colectiva españolas e estranxeiras.
José Ventoso Iglesias é o actual titular do Pazo de Tovar. Esta impoñente edificación palaciana érguese mayestática no corazón das feraces terras do Val de Lourenzá, transformada en insigne testemuño dun glorioso pasado, evocado dende un presente renacido das súas cinzas históricas, nunha epopea narrada a través da linguaxe secreta das súas pedras centenarias, camiñando con paso firme e decidido cara a un futuro que se acha en pleno proceso de escritura.
Dotado de especial protección patrimonial dende o 22 de abril de 1949, e inscrito no rexistro de Bens de Interese Cultural do Ministerio de Cultura o 17 de outubro de 1994, este singular e evocador monumento encóntrase situado no lugar do Pacio de Tovar, na parroquia de San Tomé de Lourenzá, pertencente ao termo municipal de Lourenzá.
Nos últimos douscentos anos a historia do Pazo de Tovar e a historia da familia de José Ventoso Iglesias entrecrúzanse, líganse, conxúganse, fusiónanse e harmonizan ata identificarse nun mesmo, único e íntimo relato de realidade, vida e sono, de superación e valentía, de pequenas derrotas esquecidas e grandes vitorias recordadas nos seus anais particulares.
José Ventoso Iglesias é un home dotado de firme arraigamento e especial querencia á súa terra, ás súas orixes e ás súas xentes, representante dunha recia estirpe de arrendatarios históricos que no ano 2006 lograba adquirir, con moito tesón e máis esforzo e sacrificio compartido, a propiedade do seu ancestral fogar, a titularidade do insigne Pazo de Tovar, paradigma do estilo gótico-isabelino en Galicia.
E dende ese transcendental acontecemento persoal e familiar, sobre todo dende o ano 2010, José Ventoso Iglesias é un home dotado dunha inquebrantable crenza nun proxecto xeneroso e desprendido: a rehabilitación, recuperación funcional e transformación do Pazo de Tovar nun elemento de patrimonio vivo, aberto e accesible -trátase dun monumento visitable, onde se realizan visitas guiadas, e en cuxas instalacións se encontra o “Centro de Interpretación da Cultura dos Pazos en Galicia”; nun centro cultural cheo de crecente dinamismo; nun punto de encontro interxeracional; nun especial foro de diálogo entre historia, ser humano e paisaxe.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
