O Burela FS Pescados Rubén xa está en Cidade Real para escribir un novo capítulo da historia laranxa. O conxunto da Mariña debutará na Copa de España este xoves 12 de marzo ante o actual campión de Liga e Copa, Inter Movistar (21.15 horas). “Para nós é un premio e unha ilusión, é a competición máis bonita do fútbol sala e unha grande oportunidade de presentarnos para todo o fútbol sala nacional” explicaba o técnico, Juanlu Alonso, a poucas horas para a gran cita.
Esta tarde, ás 19.30 horas, o equipo mariñán estreará o Quijote Arena na última sesión de adestramento antes da súa gran xesta en cuartos de final ante o titánico madrileño, con Edu, que só xogará en caso de extrema necesidade, Álex, Erik, Jorge Bellvert, Iago Míguez, Behroz, Miguel, Carlitos, Antoñito, Renato, Ángel, Matamoros, Chano e Hélder.
“Imos competir porque é a nosa máxima ilusión” aseguraba Juanlu, destacando o bo momento dos laranxas, aínda que acoden minguados de efectivos: “Estamos no noso mellor momento de xogo da tempada, aínda que chegamos co gran hándicap nun cadro coma o noso das lesións de Isi, por luxación de ombreiro, e Edu, cun dedo roto. Aínda que os resultados en liga non nos estaban acompañando, a vitoria en Lugo (3-7) tennos que dar confianza para dalo todo ante un dos grandes” dicía con optimismo Juanlu, que aposta pola ausencia de presión como a gran baza dos burelistas: “Temos que entender o noso rol e aproveitalo. Sabemos que o rival ten recursos superiores pero tamén ten unha presión engadida. Debemos pelexar por un marcador equilibrado ata o tramo final e despois aproveitar a nosa menor presión para xogar máis soltos” adiantaba o adestrador.
Todos os partidos serán emitidos por Teledeporte e no Twitter da Liga Nacional de Fútbol Sala, @LNFS89, tamén poderá seguirse o minuto a minuto de cada encontro.
Xoves 12 de marzo de 2015, CUARTOS
19.00 horas: ElPozo Murcia FS-Jaén Paraíso Interior CC1
21.15 horas: Inter Movistar-Burela FS Pescados Rubén CC2
Venres 13 de marzo de 2015, CUARTOS
19.00 horas: Magna Navarra-Palma Futsal CC3
21.15 horas: FC Barcelona-Aspil Vidal Ribera Navarra FS CC4
Sábado 14 de marzo de 2015, SEMIFINAIS
17.30 horas: Vencedor CC1-Vencedor CC2
19.45 horas: Vencedor CC3-Vencedor CC4
Domingo 15 de marzo de 2015
20.00 horas: FINAL
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
