VIVEIRO / RIBADEO .- O deputado autonómico do PP, José Manuel Balseiro, e a senadora popular, María del Carmen Gueimunde, aseguran que “tras dous anos da entrada en vigor da Lei da Dependencia non temos constancia de que ningún mariñán está a cobrar as axudas que lle corresponden” e ofrécense para tramitar reclamacións nas oficinas de Viveiro e Ribadeo. Na mesma nota de prensa, deputado e senadora afirman que “o dez por cento das persoas con dereito a recibir estas prestacións xa faleceron”.
Nota de Prensa
O PP DENUNCIA QUE O 10% DOS MARIÑÁNS QUE SOLICITARON AXUDAS POLA LEI DE DEPENDENCIA XA FALECERON
Balseiro e Gueimunde aseguran que na comarca da Mariña ninguén está a cobrar as axudas ás que teñen dereito
Anunciaron que nas Oficinas do Deputado de Ribadeo e Viveiro asesorarán ós afectados para que presenten as reclamacións que consideren oportunas
Ribadeo, 12 de setembro de 2008.- O deputado autonómico José Manuel Balseiro e a senadora María del Carmen Gueimunde denunciaron hoxe que, tras dous anos da entrada en vigor da Lei da Dependencia, “non temos constancia de que ningún mariñán esté a cobrar as axudas que lle corresponden”.
Os representantes populares non dubidaron en calificar de “vergoñenta” esta situación, máxime se se ten en conta que o 10 por cento das persoas con dereito a recibir estas prestacións xa faleceron. Indicaron a este respecto que están incluso en disposición de facer pública a identidade dunha treintena destas persoas xa que contan coa pertinente autorización dos seus familiares para facelo.
Anunciaron, de feito, na súa comparecencia de hoxe en Riabadeo que a partir da agora nas Oficias do Deputado de Ribadeo e Viveiro, que foi onde recolleron as denuncias dos cidadáns sobre este particular, ofrecerán a todos os afectados que así o soliciten o asesoramento que precisen a efectos de formular as reclamacións que resulten pertinente e estimen oportunas.
Balseiro e Gueimunde reprocharon ó Goberno central e autonómico non facilitar información real sobre a aplicación da Lei da Dependencia na provincia de Lugo, xa que ou directamente non contestan, como é o caso da Xunta, ou falsean os datos.
Así, segundo puntualizaron, dende Madrid asegúrase que na provincia de Lugo hai 15.229 dependentes con dereito a recibir prestacións, mentres que en Santiago rebaixan a cifra ata os 11.757. En calquera caso, segundo salientaron, nestes intres só 159 lucenses están a recibir as axudas que lle corresponden.
Tanto María del Carmen Gueimunde como José Manuel Balseiro anunciaron que seguirán reclamando datos a este respecto no Senado e no Parlamento galego. Así, Balseiro xa indicou que, dado que dende o mes de xuño está agardando as explicacións da Xunta a este repecto, presentará de xeito inmediato unha interpelación no Parlamento.
OFICINAS DO DEPUTADO.-
Os representantes populares tamén indicaron que están gratamente sorprendidos pola gran cantidade de persoas que se achegan ás Oficinas do Deputado da Mariña para interesarse polos máis diversos asuntos e para denunciar situacións como a que se está a producir coa Lei da Dependencia.
Por este motivo e co obxectivo de facer máis operativo o funcionamento das Oficinas, anunciaron que vaise a modificar o horario de atención da ubicada en Ribadeo. Así, a partir de agora permanecerá aberta entre as cinco e as sete da tarde dos venres.
No que respecta á de Viveiro continuará co horario actual, é dicir, dende as 11 ás 13 horas, tamén os venres.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
