Burela Pescados Rubén e Jaén Paraíso Interior reencóntranse en Liga tralo seu duelo copeiro que simbolizou a rebelión dos modestos durante a recente Copa de España de Cidade Real, consumada finalmente coa conquista amarela ante o todopoderoso FC Barcelona.
Aínda que este novo duelo entre galegos e andaluces, correspondente á xornada 27 da LNFS, pouco terá que ver coa semifinal copeira. O sábado 4 de abril a partir das 18.00 horas “A Salabreja” acollerá un intenso partido con dous quipos que necesitan a vitoria para manter os seus obxectivos. Os andaluces loitan por defender a súa cuarta praza (47 puntos) mentres que o Burela Pescados Rubén, noveno con 33 puntos, quere apurar as súas opcións de Play Off.
O técnico burelés, Juanlu Alonso, consciente da enorme dificultade que supón vencer no feudo amarelo remarcou que “sairemos moi reforzados da Salobreja si conseguimos os tres puntos, sobre todo polas circunstancias nas que chegamos ao partido. Debido ás baixas, os mozos terán que asumir minutos de responsabilidade que sumarán á súa formación e iremos a por todas igualmente”. Os mariñaos non contarán para este duelo con Isi, Bellvert e Matamoros por lesión. Na convocatoria do Burela Pescados Rubén debuta o canteirán Aitor Eijo Oroza, á pivot do conxunto filial que lucirá o dorsal 31. Nas filas do Xaén Paraíso Interior destaca a baixa por lesión do súa gardameta Prieto.
Convocatoria Burela FS Pescados Rubén: 1. Edu, 5. Iago Míguez, 9. Behroz, 11.Chano, 13. Álex, 14. Miguel, 17. Carlitos, 23. Antoñito, 27. Renato, 29. Anxo, 30. Hélder, 31. Aitor.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
