O Burela Pescados Rubén despideuse na Salobreja das súas opcións de Play Off ó caer por 5-2 ante o Jaén Paraíso Interior. O conxunto mariñao disputou ante o campión de Copa un duelo de alta intensidade no que non logrou manter o ritmo andaluz debido á escaseza de efectivos laranxas.
A escuadra dirixida por Juanlu Alonso comezou o choque con boas sensacións ante un Xaén que quixo marcar o paso desde o inicio. A boa defensa mariñá bloqueou a saída dos andaluces aínda que co paso dos minutos o encontro foise abrindo con ambos equipos gozando de oportunidades para abrir o marcador. Neste intercambio de golpes resultou ganador o Xaén que nunha acción de estratexia conseguía o 1-0, obra de Buendía no ecuador do primeiro periodo. Coa afección amarela envorcada, ambos equipos protagonizaban un partido de ida e volta que acabou rendibilizando mellor o equipo de Dani Rodríguez. Solano ampliou a vantaxe (2-0) e no tramo final Chino e Buendía marcaron o 3-0 e 4-0 respectivamente. Con este marcador chegouse ao descanso e na continuación aínda que o Burela Pescados Rubén perseguiu apurar as súas opcións co gol de Behroz (4-1), minuto 24, os andaluces cortaron calquera atisbo de reacción co 5-1 de Eloy Rojas. Na recta final, Iago Míguez logrou o 5-2 definitivo que deixa aos mariñaos sen Play Off polo título.
Ficha técnica
Jaén Paraíso Interior: Gonzalo, Fabián, José López, Cuco, Solano –cinco inicial- Borja Blanco, Dani Martín, Eloy Rojas, Buendía, Chino.
Burela FS Pescados Rubén: Alex, Iago Míguez, Antoñito, Chano, Helder –cinco inicial- Behroz, Miguel.
Goles: 1-0, m.10, Buendía; 2-0, m.16, Solano; 3-0, m.18, Chino; 4-0, m.19, Buendía; 4-1, m.24, Behroz; 5-1, m.28, Eloy Rojas; 5-2, m.37, Iago Míguez.
Árbitros: Bernabeu Haro, Sánchez Ayala.
Incidencias: Partido correspondente á xornada 27 da Primeira División da Lnfs, disputado no pavillón de La Salobreja de Jaén. Aforo completo.
*Fotografía: Pedro Chaves. Jaén Paraíso Interior
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
