NOTA DE PRENSA
O grupo popular sinala ao Executivo de PSOE e BNG como máximo responsable de que non poida entrar en servizo a Escola Infantil do Bahía
O BIPARTITO DESPILFARROU INXENTES CANTIDADES DE RECURSOS PÚBLICOS EN PUBLICIDADE E PROPAGANDA PERO NON CONTEMPLOU O ORZAMENTO NECESARIO PARA DOTAR DO MOBILIARIO E PERSOAL OPORTUNO Á ESCOLA INFANTIL DE FOZ
* O PPdeG pregunta no Parlamento polas previsións da Xunta para a apertura desta instalación
A Mariña, 08 de setembro de 2009.- O Grupo Parlamentario Popular, a través do seu deputado Jose Manuel Balseiro Orol rexistrou unha iniciativa na Cámara autonómica pola que se interesa sobre as previsións que manexa a Xunta de Galicia para a apertura da nova Escola Infantil de Foz, sita nas instalacións do antigo hotel Bahía.
Os populares sinalan aos dirixentes da área de Benestar do anterior Executivo bipartito como máximos responsables da situación actual na que decenas de familias desta localidade non poden facer uso desta gardería malia terse finalizadas as obras de adecuación destas instalacións para albergar este novo servizo. Nin a Vicepresidencia da Xunta de Galicia, dirixida naquel momento polo nacionalista Anxo Quintana, nin o Consorcio Galego de Igualdade e Benestar, órgano xestor da rede de escolas infantís de competencia autonómica, contemplaban nos seus orzamentos para 2009 previsións expresas para dotala do mobiliario e do persoal necesario para a súa posta en marcha. En contraste con esta situación, os populares subliñan que o Executivo bipartito gastou unha cantidade inxente de diñeiro en labores de publicidade e propaganda, despilfarrando recursos públicos que poderían terse destinados a outros fins de interese prioritario como é o caso da dotación do persoal e mobiliario axeitado para esta nova escola infantil.
O deputado do PPdeG reclama no Parlamento que os novos responsables da Xunta corroboren estes datos -a insuficiencia orzamentaria actual motivada pola imprevisión do Executivo bipartito- e establezan tamén as previsións necesarias para que a Escola Infantil de Foz poida estar operativa. Neste senso subliña que o actual Presidente da Xunta de Galicia, Alberto Núñez Feijóo, sinalou a firme decisión do actual Executivo de prescindir dos gastos superfluos para garantir a ampliación dos servizos públicos e das prestacións sociais. Por iso a dotación de novas Escolas Infantís é unha prioridade, xa non só como servizos básicos na tarefa da conciliación da vida laboral e familiar, senón tamén como infraestruturas de socialización e aproximación ao mundo educativo dos máis novos.
Á Mesa do Parlamento
José Manuel Balseiro Orol, Emma Álvarez Chao e Marta Rodríguez Árias deputados do Grupo Parlamentario Popular de Galicia, ao abeiro do disposto no artigo 152 do Regulamento da Cámara presentan, ante esa mesa, a seguinte pregunta para a súa resposta oral en Comisión
En contraste co excesivo gasto en publicidade e propaganda sobre medidas de atención á poboación infantil e sobre instrumentos de conciliación da vida laboral e familiar, o anterior Goberno bipartito non foi quen de cumprir os seus obxectivos en relación coa creación e dotación de novas escolas infantís na nosa comunidade.
Moitas destes servizos existían sobre o papel, nos anuncios e en declaracións públicas dos antigos responsables da área autonómica de Benestar, pero non acabaron por ter o seu reflexo na realidade, nin o respaldo necesario nos plans de actuación e orzamentos da Xunta de Galicia.
Un destes baleiros na acción de goberno do anterior Executivo autonómico pode verse no que está a acontecer no concello lucense de Foz onde decenas de familias están pendentes da entrada en funcionamento da escola infantil que o Consorcio Galego de Benestar construíu nas instalacións do antigo hotel Bahía.
Esta nova instalación, que ofertaría preto de 60 prazas para nenas e nenos de idades entre 0 e 3 anos e contribuiría a xerar preto de 20 novos postos de traballo, entre persoal de cociña, de limpeza, educadores e coidadores, non pode entrar en funcionamento xunto co inicio do actual curso escolar como consecuencia da falta de previsión e errada xestión do anterior Goberno bipartito de Galicia. Segundo puido coñecer o Grupo Parlamentario Popular os mesmos xestores que priorizaban a política de gasto masivo en publicidade, son responsables da falla de previsión orzamentaria para a instalación do equipamento e mobiliario necesario para poder abrir este novo centro, así como da oportuna dotación de persoal.
Co obxecto de verificar cada unha destas cuestións, así como coñecer as previsións que respecto da entrada en funcionamento desta nova escola infantil manexa o novo Executivo autonómico, cómpre responder ás seguintes preguntas:
1.-) ¿Contemplan as contas autonómicas para 2009, elaboradas polo anterior Goberno bipartito, algunha partida orzamentaria para a apertura da escola infantil de Foz? De ser así, ¿en que cantidade?
2.-) ¿Esta dotada na actualidade esta escolas infantil dalgún tipo de mobiliario? De ser así, ¿cal é?
3.-) ¿ Existe nas contas autonómicas para 2009, elaboradas polo anterior Goberno bipartito, algunha partida orzamentaria para a dotación de mobiliario e de persoal na nova escola infantil de Foz? De ser así, ¿en que cantidade?
4.-) ¿Cal é o orzamento que tanto no Consorcio Galego de Benestar como na anterior área de Igualdade e Benestar da Xunta de Galicia manexou para labores de publicidade e propaganda?
5.-) ¿Que previsións ten o novo Executivo autonómico para a entrada en funcionamento da nova escola infantil de Foz?
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
