RIBADEO (FNC) .- O Concello de Ribadeo vén de recibir o certificado de revalidación do sistema de xestión ambiental EMAS, que amosa o máximo compromiso que unha institución pode ter co medio ambiente e a correcta xestión administrativa da Delegación de Medio Ambiente en temas como a xestión do punto limpo, os servizos de recollida de residuos sólidos urbanos ou a limpeza viaria.
O concelleiro de Medio Ambiente, Horacio Cupeiro explicou que “o Concello de Ribadeo acaba de recibir o certificado de revalidación do sistema comunitario de xestión e auditoría medio ambientais EMAS. Esta certificación da Unión Europea é asignada polo Lloyd’s que despois de varios días de auditoría externa chegou á conclusión de que a xestión administrativa do Concello respecto ao medio ambiente, así como, o servizo de parques e xardíns, a xestión do punto limpo, a recollida de residuos sólidos urbáns, a limpeza viaria e as actividades culturais medio ambientais, foron xestionadas de forma correcta”.
Horacio Cupeiro lembrou que “estas auditorías foron as que descubriron, por exemplo, que o tanque de gasóleo que tiñamos ubicado entre o Concello e a Aduana levaba 20 anos sen pasar ningún tipo de revisión e loxicamente a partir daquela tivemos que tomar medidas ao respecto e que algúns despois preguntan por que se gastou medio millón de pesetas en facer esa revisión. A idea é seguir ampliando o alcance do sistema a tódolos edificios do Concello, xa que deste xeito aparecerán as anomalías no caso de habelas. Anteriormente só se levaba esta xestión ambiental no que era o despacho da Delegación, sen embargo, agora o que fixemos foi ampliar o alcance tanto ao auditorio, como ao punto limpo, como á Casa da Ría e a todo o Concello, ou sexa, que o alcance o estamos ampliando ata que acabemos metendo a tódolos locais e a todo aquelo que teña que ver co medio ambiente do Concello de Ribadeo”.
O edil nacionalista sinalou que “o custo do sistema de xestión foi subvencionado na súa maior parte pola Consellería de Medio Ambiente e no futuro, para que non teña custo para o Concello, farase a través do núcleo de sostibilidade. Este regulamento 761-2001EMAS, é algo superior ao sistema de xestión ISO-14.001 e amosa o máximo compromiso que pode ter calquera organización ou institución, neste caso o Concello, co medio ambiente”.
Horacio Cupeiro engadiu que “un dos principais valores é a declaración ambiental que é o documento mediante o cal a organización fai público o seu comportamento con todo o relativo ao medio ambiente. Por iso, estou orgulloso de poder actuar dende o punto de vista medioambiental e isto é o que nos amosa que algúns non teñen razón cando precisamente están a criticar determinadas carencias que efectivamente en tódolos sitios poden ocorrer”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
