Véxome na obriga de contestar ante as afirmacións falsas feitas por Bernardo Fraga, portavoz do BNG no concello de Viveiro. As súas críticas resultan especialmente torpes e sorprendentes ao intentar atribuírnos aos demais a responsabilidade exclusiva que o BNG ten en que os seus invitados non puideran acceder á tribuna de público, o pasado martes, durante o debate da iniciativa sobre Vestas, como si fixeron os traballadores desta compañía convidados polo resto dos grupos parlamentarios.
Infórmolle ademais que o Grupo Popular puxo a disposición do Comité de empresa as súas prazas, das que fixeron uso en parte, pois non se cubriron na súa totalidade. E incluso intentamos anticipar o debate ás 18 horas, pero os representantes dos traballadores nos indicaron que xa tiñan organizado todo para última hora da tarde, e supoñía un problema mudar de novo o horario, algo no que coincidimos.
Bernardo Fraga non pode retorcer a realidade, intentando enganar a todos os seus veciños e –tal e como lle indiquei, cando intentou reprocharnos a súa propia torpeza- debera esixir explicacións ao Grupo Parlamentario do BNG que, decidiu saltarse o regulamento e presentou fóra de prazo a súa relación de convidados, mostra do pouco que lle importaban ao BNG os traballadores de Vestas.
Non existiu nin veto, nin prohibición. O que Bernardo Fraga non quere que saibamos é que o BNG decidiu non ir ao Pleno durante a mañá do martes, polo que todas as iniciativas anticiparon o seu horario de debate, pois os deputados do BNG estaban máis ocupados en realizar un teatrillo, nun parque contiguo ao Parlamento. A súa acción representa unha irresponsabilidade ante a cidadanía galega en xeral e ante os seus votantes en particular, que lles entregaron o seu voto para que os representasen no Parlamento e non nun mitin, nun parque.
Se Bernardo Fraga sufre de incontinencia verbal debería aplicala contra os seus compañeiros de partido, que tan só saben facer ruído. Porque os populares seguiremos apoiando aos traballadores de Vestas nunha reivindicación que nos parece xusta, así como impulsando, desde a responsabilidade de goberno que nos deron os cidadáns cos seus votos, todas as iniciativas que teñamos á noso alcance para materializar este apoio.
Desde o BNG, pola contra, tan só se perden en palabras e críticas aos demais, errando unha e outra vez o tiro e facendo todo o contrario do aconsellable ante un conflito laboral como este, onde o aproveitamento partidista debera quedar ao marxe para, como aconteceu no último Pleno do Parlamento, facilitar, como fixo o PP, sen importarlle siglas, un acordo unánime en apoio aos traballadores de Vestas, que xa bastante teñen como para encima soportar os xogos partidistas do BNG, coma sempre, como forza residual, convidados de pedra nos asuntos importantes do noso país.
Jose Manuel Balseiro
Secretario do Parlamento de Galicia.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
