Lugo, 16 de abril de 2015. O responsable de Cultura e Turismo da Deputación de Lugo, o nacionalista Mario Outeiro, presentou este xoves no Museo Provincial de Lugo o circuíto de teatro profesional, que se estrea este ano dentro do proxecto Buxiganga que puxo en marcha a Vicepresidencia Primeira do organismo provincial no ano 2009.
Mario Outeiro avanzou que a Área de Cultura dedicará as bases deste Buxiganga Proxecto Teatral Profesional serán publicadas este venres no Boletín Oficial da Provincial, tendo os interesados 20 días naturais para presentar a súa solicitude de participación desde ese mesmo día. “Logo de varios anos apostando polo teatro amador, unha aposta que mantemos tamén esta edición e que xa arrincou este mesmo mes, o proxecto Buxiganga dá un paso máis e este ano contaremos tamén cun circuíto profesional. Cremos que é un xeito de amosar unha vez máis a nosa decidida aposta pola cultura en xeral e o teatro en particular”, salientou Mario Outeiro.
Este circuíto profesional contará cun orzamento de 60.000 euros. “É coñecido que temos xa desde o 2009 funcionando o proxecto Buxiganga, que serve para potenciar o teatro afeccionado. Agora mesmo temos uns 30 grupos de toda a provincia que recorren concellos e asociacións coas súas actuacións, uns grupos cos que temos varias liñas de apoio, como un dirixido á formación dos seus membro. Este ano, nun programa que se vai desenvolver en dúas quendas [xuño, xullo e setembro, e despois en outubro, novembro e decembro], facemos o circuíto Buxiganga Profesional. A diferenza co outro, vai exclusivamente destinado a profesionais, co obxectivo de mover a esas compañías polos concellos e entidades. Agardamos conseguir os mesmos resultados que co outro, que xa duplicou o número de compañías de teatro de carácter amador desde que o puxemos en marcha”, indicou o responsable de Cultura
Dirixido a grupos de teatros profesionais da provincia
Outeiro avanzou que neste Buxiganga Proxecto Teatral Profesional poderán participar “todos os grupos de teatro profesionais, baixo a forma de empresa, de comunidades de bens ou ben de asociacións culturais, que teñan residencia na provincia de Lugo, que estean legalmente constituídos e que realicen tanto os ensaios como a súa actividade habitual na provincia de Lugo”, apuntou.
A Área de Cultura pagará o 70% de cada actuación
Así mesmo, informou de que “poderán solicitar actuacións todos os concellos e asociacións legalmente constituídas e con sede e actividade na provincia de Lugo. As entidades solicitantes faranse cargo do 30% do custo da actividade teatral, facéndose cargo do 70% restante a Área de Cultura”, comentou. Ao igual que os grupos e compañías, os concellos e as asociacións tamén terán 20 días naturais a partir de mañá para presentar as súas respectivas solicitudes.
Aqueles responsables de concellos, asociacións, grupos ou compañías interesados en recibir máis información poden conseguila chamando ao 982 260 180, escribindo ao enderezo electrónico ana.culturaedeporte@deputacionlugo.org ou acudindo directamente ás oficinas da Área de Cultura da Deputación no Pazo de San Marcos.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
