Lois Iglesias.- Desde o Goberno Municipal de Xove, oito anos despois de telo prometido, seguen sen concretar cando se construirán na nosa localidade as vivendas de protección para a xente nova que anunciaron hai tanto tempo. E non contentos con iso, apoiaron que desde o goberno “unipartito” de Santiago de Compostela incrementaran nun 30% de media os tributos para a compra de vivenda libre. Pero voulles contar polo miúdo algunhas cousiñas que si que se apuraron a facer, si, aínda que nunca tiveran a valentía para levalas no seu programa electoral:
Subiron as cotas da piscina municipal e, en plena crise (porque todo nos chega tarde neste país), obrigan a pagar todo o ano por adiantado, e se fraccionas os pagamentos, aplican un recargo. Os cursiños cos que moitos xovenses aprendimos a nadar deixaron de ser de balde para os vecinos de Xove. Non existe un verdadeiro Centro de Día para a poboación do noso municipio, cada vez máis avellentada. A agrupación de Protección Civil, unha das mellores de toda a volta, esmoreceu. Aos socorristas das praias quitáronlles un mes de traballo e mais as “tiritas” (o material de urxencias). O clube de piragüismo simplemente desapareceu, así coma o clube de vela. Quitáronnos un facultativo de medicina xeral, e as horas de pediatría do Centro de Saúde son insuficientes. Remataron coas axudas á limpeza dos montes e, pola contra, gastaron unha millonada en arranxar unhas fontes. A biblioteca quedou tan absoleta coma o bañador de Fraga en Palomares. Subiron o catastro, o imposto de vehículos e mais a licenza para construcións e obras. Encareceron como nunca se acorda o recibo da auga e o lixo (do da luz xa nin falo). Incrementaron a taxa da Escola Infantil un 500% e aumentaron o pagamento pola prestación do Servizo de Axuda no Fogar. E, respecto ao transporte escolar, comunicáronlle verbalmente aos afectados que ían ter que pagar 12€/mes e recuaron grazas a unha moción presentada pola oposición nacionalista.
Non padezan moito, que isto non fixo máis ca comezar.
Lois Iglesias.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
