Presentación este mércores na Librería Bahía de Foz da tradución ao galego de “Ás voltas coa diversidade cultural”

Foz, 27 de abril de 2015.- Este mércores día 29 de abril ás oito e media da tarde, presentamos na Librería Bahía o libro Ás voltas coa diversidade cultural, tradución ao galego das conferencias do antropólogo Claude Levi-Strauss para a UNESCO, publicado por Edicións da Curuxa.

Participarán no acto o editor do libro e profesor da Universidade de Santiago de Compostela José M. Alvarez Castro e Mónica Pazos, profesora e vicepresidenta da Mesa pola a Normalización Lingüística.

Pequena biografía de José María Álvarez Castro
Son licenciado en Matemáticas e Bioloxía e realicei un doutorado en Bioloxía Evolutiva na USC. Tras contratos postdoctorais en Múnic (Alemaña) e Uppsala (Suecia), obtiven unha praza de profesor asociado na Universidade Sueca de Ciencias Agronómicas. Decidín, con todo, regresar a Galicia cun contrato de investigación de cinco anos, á fin do cal obtiven a praza de interino por vacante que agora ocupo na Facultade de Veterinaria da USC. Durante a miña carreira realicei estadías na Universidade da Habana, a Florida State University (Tallahassee, EUA), o Roslin Institute (Edimburgo, Escocia), a Universidade Estadual Paulista (Brasil) e o Instituto Gulbenkian de Ciência (Oeiras, Portugal). Realizo colaboracións trandisciplinares con investigador@s de ciencias sociais (pedagoxía, epistemoloxía e antropoloxía social). Son membro do Consello Cidadán Galego de Podemos.