A ansia dos políticos por sair nos xornais fai que, de cando en vez, aparezan voceiros de novas que se diría non ter outro fin, pois a noticia nunca se ve materializada: son os fogueteiros dunha festa na que non soa mais música que o estoupido dos foguetes, nen outras luminarias que non sexan as dos fogos de artificio.
Tal conducta, por habitual, faise norma e os actores da comedia fraudulenta e inacabada, queiman a pólvora na perorata, demagóxica e estéril, propiciada por un narcisismo falto de rigor e de todo compromiso coa sociedade. Unha ollada mínima á hemeroteca dos últimos anos o confirma: “Un artista alemán ultima la unión virtual entre Foz y su antípoda” (14-7-05). “ Una asociación de empresarios y concellos facilitará la llegada de turistas” (29-1-05).“A Mariña y el Occidente astur se unen para la desestacionalización turística Occidental”.(30-4-05).“A comarca xa ten un “consorcio” para desarrollar o turismo. Funcionará cando os concellos aproben os estatutos”(7-5-05).“Campos de golf de Extremadura y Portugal servirán de modelo para la instalación local”. “Viveiro y Foz apuestan por el golf” (31-1-04). “El concello creará 4 rutas para fomentar el turismo: 2005 será el año de A Frouseira” (26.8.04). Alcaldes e fundacions acordaron crear un arquivo fotográfico.“(7.10.05). “Viveiro capitanea un proxecto de promoción da zona con novas tecnoloxías” (12.2.05).“Nós non teremos cara de presentarnos ás eleccións se en ano e medio non hai PAC” (7.10.04). “Turismo plantea otro Parador y campo de golf en A Mariña.”(6.10.07). “Foz: O Auditorio, principal proxecto” (9-8-90). “El tren Expreso de la Robla hará paradas en Foz. Satisfacción no goberno local porque “se está valorando lo que es el Foz turístico” (8.1.10).… e así indefinidamente. ¿Qué foi de tanta traca fogueteira, que nunca se soubo da festa?… Os munícipes non están polo labor,nen son quén de actuar coa solidaridade precisa para a tarefa común; viven nunha éxtase continua, mirando ao ombrigo, á procura do voto inmediato, e o clima de cordialidade e tolerancia non é o mais axeitado.
Políticos/fogueteiros, ¿qué credibilidade poden ter..? Xa o dixera o pintor Laxeiro:”¡qué terra mais fermosa pro… qué carallo de xente!”. Deus nos pille confesados…
Suso Fernández
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
