Galipizza conta en Xixón desde este xoves co seu primeiro establecemento fóra de Galicia, e que ademais supón o lanzamento da Franquía Galipizza, da que xa se plantexan próximas aperturas en Galicia. A firma hostaleira galega, que naceu en Viveiro en 1993 e actualmente conta tamén con locais en Ribadeo, na localidade coruñesa de Culleredo e en Santiago de Compostela, ten prevista para os próximos meses a apertura de novos establecementos en A Coruña e Oviedo.
O local de Galipizza en Xixón ten unha magnífica localización, xa que está situado a 100 metros da praia de San Lorenzo, concretamente no número 26 de Calle Playa. Os clientes poden gozar dun espazo duns 300 metros cadrados decorado como unha antiga estación de tren cun toque vintage, que durante a inauguración do pasado xoves viviu o seu primeiro cheo total.
Alí pode degustarse xa a Galipizza, a súa marca patentada de pizza artesanal e que, en lugar da clásica mozarella, cóbrese con queixos galegos. A riqueza dos queixos asturianos abre novas ideas creativas, pois a empresa xa os está probando para as súas próximas pizzas e burgers.
Desde Galipizza móstranse ilusionados con este novo paso diante da empresa: “traballamos en Ribadeo desde 1995 e loxicamente contamos cunha clientela asturiana moi ampla e fiel; de feito cando se celebra un festivo en Asturias temos que ampliar persoal porque se nota a súa chegada. Seguro que os novos locais en Asturias axudarán a ampliar os nosos clientes e a nosa marca por todo o norte de España”.
Esta aposta por Asturias consolidarase nos próximos meses coa apertura dun novo local en Oviedo: “Nos próximos meses abrirán dous novos Galipizza&cia, un no centro da Coruña e outro na rúa Campomanes, en Oviedo. O feito de abrir locais fose de Galicia non supón ningún cambio na nosa empresa, xa que consideramos que tanto Galicia como Asturias son a nosa casa”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
