Foz, 30 de maio de 2015.- O BNG de Foz esixe do candidato do PP, Javier Jorge Castiñeira, unha rectificación nas súas declaracións cando acusaba a semana pasada ao BNG, á súa candidata Lorena Seivane e ao persoal do Centro de saúde, de mentir e de colocar unha folla informativa dentro do propio centro.
O Sr. Castiñeira mentiu cando negou que o Centro de Saúde non perdía o servizo de urxencias. Hoxe todos os veciños e veciñas de Foz poden comprobar -se non o comprobaron xa- que isto é unha realidade. Tamén o Sr. Castiñeira mentiu cando acusou ao BNG de colocar unha folla co logotipo e o selo do SERGAS informando deste feito na porta de entrada do centro cando se comprobou que fora o propio Sergas quen o mandara colocar e despois retirar. Esta acusación falsa é moi grave e está tipificada como delito no código penal con penas de cárcere de seis ata dous anos e multas de 12 a 24 meses.
Para o BNG, un candidato dun partido político non pode pretender chegar a alcalde de Foz cando calumnia e acusa falsamente a alguén de algo que sabe, ou polo menos dubida, que sexa certo. Por este motivo, sería totalmente imprescindible que para poder ter algún tipo de contacto ou conversa co candidato do PP sobre a constitución da próxima corporación, o Sr. Castiñeira tivera a consideración e a valentía de asumir a súa culpa e pedir perdón público, algo que certos políticos deberían practicar máis habitualmente.
Agora que se demostrou que todo iso era falso e que quen mentía era o Sr. Castiñeira, o BNG pídelle que declare publicamente que o servizo de urxencias no Centro de Saúde foi eliminado polo Servizo Galego de Saúde e que a folla informativa foi mandada colocar polo propio Sergas e que o BNG non tivo nada que ver con este asunto. Lorena Seivane foi clara ao respecto: “ou o Sr. Castiñeira pide desculpas ou non temos nada que falar con el”.
Mentres tanto, e porque para o BNG o importante son os servizos públicos, seguiremos na loita e na reivindicación dunha sanidade pública de calidade, que foron os veciños e veciñas de Foz, co apoio do BNG quen a conseguiron e a caladas e a conta gotas nos están retirando.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
