Burela, 9 de xuño de 2015.- Burela contará con 8 socorristas durante o verán. A Xunta concedeulle unha subvención de preto de 27.000 euros ao Concello para este fin, segundo anunciou este martes ó mediodía o alcalde en funcións, José Mª González Barcia.
O rexedor explicou que “o Concello de Burela acaba de recibir unha comunicación na que se nos concede a contratación de 8 socorristas durante dous meses para este próximo verán que agora comeza para atender as praias do noso concello, tres delas con bandeira azul: A Marosa, Portelo e Ril. O importe total da subvención concedida é de 26.920 euros e a contratación é de supoñer que se faga dende agora ata o remate do mes para que poidan estar operativos o día 1 de xullo”.
González Barcia relatou tamén que “o Concello de Burela, a través do Centro de Formación Ocupacional que está situado no parque de Tíjola, vai impartir tres cursos para a formación para desempregados durante os próximos meses. Un deles é de auxiliar de servizos administrativos, outro é de promoción turística e un terceiro curso é de dinamización do tempo libre. Deste xeito vanse formar 15 persoas en cada curso; é dicir, un total de 45 persoas, que van ter acceso a un título pola súa participación, pero tamén, o que é máis importante, a un certificado de profesionalidade que acredita que estas persoas que rematen estes cursos van reunir as condicións imprescindibles para poder ser contratadas por empresas ou por administracións”.
O alcalde burelés lembrou que “a Consellería de Traballo e Benestar da Xunta de Galicia subvenciona ao 100 por 100 estes cursos e tamén hai que recordar que nos últimos 3 anos este departamento autonómico aportou practicamente 1.200.000 euros en subvencións directas e finalistas ao Concello de Burela para a formación de desempregados e para a contratación de persoal desempregado”.
E engadiu que “a selección de persoal para estes tres cursos vaise facer tamén nos próximos días, no momento en que chegue a comunicación oficial, e farase en primeiro lugar a través do Inem e despois xa a última selección vaina levar a cabo o propio Concello xunto coa Xunta de Galicia. O inicio previsto para estes cursos é dentro de aproximadamente un mes e medio ou dous meses”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
