Gaia e Camiña limpan a praia de Portelo

Gaia realizou este xoves a primeira limpeza da praia organizada con motivo da celebración do Día Mundial dos Océanos. “Nesta ocasión acompañáronos os usuarios de Camiña e coa súa axuda limpamos a praia de Portelo. Sobre todo recollimos botellas de plástico, tapóns, bolsas de plásticos, cordas e redes. Esta é unha actividade fantástica para decatarse de que o mar devolve todo o que tiramos nel e do grave problema que representan os plásticos para os nosos mares”, explican as monitoras de Gaia. Nesta ocasión Gadis e Sogama colaboraron coa limpeza da praia con diferentes agasallos para os participantes nesta iniciativa.