“A Mariña” celebra o Día Mundial dos Océanos mediante a arte e o medio ambiente

16 de xuño de 2015.- Usuarios dos distintos dispositivos de atención da Asociación de Axuda ou Enfermo Mental “A Mariña”, participaron este martes pola mañá nunha actividade ambiental, poñendo o seu granito de area na axuda co coidado do medioambiente, limpando a praia do Portelo de Burela, acompañados por monitores dos Centros e persoal do Grupo Ambiental, Gaia.

Así mesmo, aproveitamos para que a xornada de hoxe fose enteiramente terapéutica, xa que debido ao ámbito e ao bo día do que gozamos, nos inspirou nun proxecto de “Arteterapia”.

A Arteterapia é unha disciplina que utiliza a arte e os medios visuais como a principal vía de comunicación. A expresión creativa artística é o vehículo que permite desenvolver a capacidade de reflexión, comunicación, expresión e desenvolvemento persoal. Aplícase dentro dos ámbitos relacionados coa saúde física e mental, o benestar emocional e social en diversos sectores da poboación. Pero sobre todo en sectores como o noso, onde o noso obxectivo fundamental é a mellora terapéutica, danse os mellores resultados.

Mostra diso, foi o gran traballo en equipo dos 33 participantes para a realización da obra efémera realizada con area da praia, cuxo resultado mellora a autoestima de todos os integrantes deste proxecto.