LUGO .- o goberno da Deputación acordou “instar a Xunta a manter o mapa sanitario actual no que atinxe ás áreas de Monforte e A Mariña con todas as competencias e servizos que teñen na actualidade”. A proposta foi rexeitada polo PP e saíu aprobada cos votos a favor do PSOE e BNG.
Nota de Prensa
O GOBERNO DA DEPUTACIÓN INSTA Á XUNTA A MANTER O MAPA SANITARIO ACTUAL NO QUE ATINXE ÁS ÁREAS DE MONFORTE E A MARIÑA
Esta proposta, defendida polos nacionalistas, non recibiu o apoio dos populares
Este novo modelo de ordenación sanitaria foi proposto pola Conselleira de Sanidade que anunciou a creación dunha área sanitaria única para a provincia de Lugo, coa supresión da área norte de saúde, que abarca A Mariña, así como a área sanitaria do sur, á que corresponde o hospital de Monforte
A Deputación de Lugo instará ao goberno da Xunta de Galicia a manter o mapa sanitario actual no que atinxe ás áreas sanitarias de Monforte e A Mariña con todas as competencias e servizos que teñen na actualidade. Así se aprobou, no pleno celebrado hoxe, esta proposta do goberno provincial, que foi defendida polo nacionalista Antonio Veiga, non contou co apoio do grupo do Partido Popular. Esta postura do populares lucenses refrenda claramente o proxecto da Consellería de Sanidade da Xunta de eliminar a actual estrutura sanitaria que comprende tres áreas sanitarias nas comarcas de A Mariña, Monforte e Lugo.
Tras o intento dos populares de facer unha enmenda á proposta do goberno, o nacionalista Antonio Veiga, como portavoz do goberno, propúxolle ao voceiro popular, Xosé Manuel Barreiro, a inclusión de un punto de acordo no que se manifestase de xeito unánime o “expreso rexeitamento ao modelo que pretende impoñer a consellería de sanidade”. O PP decidiu non incluir este punto e rexeitou apoiar a proposta que saiu aprobada cos votos a favor dos grupos de goberno. Dende o BNG consideran que “esta postura do PP incide no desmantelamento dun servizo público como é a sanidade un exemplo máis das políticas do novo goberno do Sr. Feijoo”.
COPIA DO ACORDO DE GOBERNO APROBADO:
EXPOSICIÓN DE MOTIVOS
A principio do mes de Xullo, a Conselleira de Sanidade anunciou en Burela a creación dunha área sanitaria única para a provincia de Lugo, o que suporá a supresión da área norte de saúde, que abarca A Mariña, así como a área sanitaria do sur, á que corresponde o hospital de Monforte, e así mesmo suporá a centralización da xestión hospitalaria en Lugo. As declaracións da conselleira Pilar Farjas provocaron unha grande preocupación nas mencionadas comarcas. Hai que ter en conta que o Hospital da Costa ten asignadas 72.025 persoas, distribuídas en 14 Concellos, e que o Hospital Comarcal de Monforte que conta con 49.204 usuarios distribuidos en 11 concellos, estes usuarios pasarían a ter como primeiro hospital de referencia o Hospital de Lugo, a uns 100 Km do Burela e uns noventa minutos de desprazamento en coche, dándose unha situación semellante para os usuarios da comarca de Lemos. A maior afondamento a Xerente do Sergas, Rocío Mosquera, non dubidou en equiparar a área sanitaria como “unha integración de hospitais”.
Malia que a Consellaría non concretou o alcance desta proposta máis alá de consideracións xenéricas como “aumentar a eficiencia e a eficacia” ou “o reforzo de novas estratexias organizativas”, é precisamente por esa falla de concreción dados os antecedentes históricos que existen nestas áreas sanitarias, que a poboación comeza a estar alarmada posto que suporía unha merma importante dos servizos sanitarios ofertados así como da calidade dos existentes.
A xuízo deste grupo de goberno as consecuencias para a sanidade pública atinxirían tanto aos usuarios como aos profesionais sanitarios e a groso modo resúmese nos seguintes aspectos:
a) Unha xerencia ubicada na cidade de Lugo, quer pola distancia física, quer pola distancia da Mariña e de Monforte coa capital da provincia, implicaría unha dificultade para o acceso á mesma e descoñecemento de moitos problemas e eivas cotiás que xurdisen nos centros das actuais áreas de Monforte e da Costa.
b) Unha xerencia ubicada en Lugo podería pór en cuestión investimentos previstos tanto nos centros de saúde como nos propios Hospitais de Monforte e da Costa. Neste sentido nestas comarcas observase con preocupación que este novo modelo pode poñer en risco importantes investimentos previstos nestes hospitais, a implantación de novos servizos e especialidades, así como a supresión de dotacións nos centros de saúde.
c) Unha xerencia única coa súa ubicación en Lugo e diante da escaseza de certos profesionais de algunhas especialidades médicas, implicaría desprazamentos constantes da poboación actual destas áreas sanitarias á cidade. Tendo en conta a distancia xa sinalada, a situación das comunicacións, o tempo de viaxe e ausencia dun transporte público axeitado, eses desprazamentos implicarían unha grande perda da calidade de vida para a poboación afectada alén de teren que asumir os gastos de desprazamento e, no seu caso, de hospedaxe os propios usuarios o que supón unha discriminación con respecto a poboación doutras zonas.
d) A supresión destas áreas sanitarias implicaría para os/as profesionais da saúde ter que optar a traballar en toda a provincia. Para o persoal eventual, ter que inscribirse nas listas de contratacións provinciais e ter que aceptar contratos a máis de cen Km do seu domicilio, baixo a ameaza de penalización. Para o persoal fixo que accedera ao seu posto despois da publicación do Estatuto Marco e en base á mobilidade funcional, tendo enriba a espada de Damocles dun traslado forzoso a calquera lugar da provincia en calquera momento.
Por todos estes motivos, a supresión das áreas sanitarias da Costa e Monforte significaría ao ver do Grupo de Goberno da Deputación Provincial unha merma na calidade asistencial que se lle presta á poboación desas dúas comarcas e non debe consumarse porque sería avanzar no desmantelamento de servizos nas nosas comarcas, particularmente nunha cuestión central como é a atención sanitaria pública.
Por todo o anteriormente exposto o Grupo de Goberno da Deputación de Lugo adopta o seguinte
ACORDO
1. Instar á Xunta de Galicia a que manteña o mapa sanitario actual no que atinxe ás áreas sanitarias de Monforte e A Mariña con todas as competencias e servizos que teñen na actualidade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
