Mondoñedo (Lugo), 20 de agosto de 2015.- O director da Axencia Galega de Infraestruturas, Francisco Menéndez, avanzou este xoves que as obras de mellora no treito da estrada LU-124 comprendido entre Mondoñedo-Lindín, que serve de conexión coa autovía A-8, estarán rematadas este outono.
O director da Axencia, xunto coa alcaldesa de Mondoñedo, Elena Candia, visitou esta mañá esta actuación, cuxas obras avanzaron intensamente neste verán e para as que se realizarán os traballos de afirmado nas vindeiras semanas.
Menéndez Iglesias recordou que o departamento que dirixe destina máis de 833.000 euros a estes traballos, que se desenvolven ao longo de preto de 9 Km (8,8) e teñen por obxecto a mellora da estrada e do estado de conservación do seu firme. O proxecto actúa tanto na travesía de Mondoñedo como no treito da estrada de características interurbanas ata o enlace coa A-8, definindo solucións axeitadas ás necesidades de cada subtramo tendo en conta o estado e características actuais da estrada e os condicionantes de tipo técnico.
No treito urbano de Mondoñedo (1,34 Km) realizase unha rehabilitación do firme, mediante fresado e reposición nos puntos nos que resulte necesario, e extensión dunha nova capa de rodadura. Pola súa banda, no treito interurbano ata a autovía, acométense actuacións para levar a cabo a necesaria reparación do firme, reforzo da sinalización e dos elementos de balizamento.
Estas tarefas compleméntanse co ensanche e mellora da plataforma, dentro do dominio público da estrada, no treito de 4,3 quilómetros comprendido entre a saída de Mondoñedo e Lindín. A nova plataforma, que contará con 6,5 m de ancho, permitirá o cruzamento dos vehículos en condicións de seguridade. Ademais, levaranse a cabo melloras nas sistemas de drenaxe, mediante a colocación de cunetas revestidas de seguridade nos treitos nos que resulte conveniente, que permitirán reducir o deterioro do firme a longo prazo.
Tamén inclúe a execución dunha senda peonil, solicitada polos veciños, no tramo da estrada que discorre entre o quilómetro 1+310 e 1+760; polo que se define un tramo de 450 metros integrado coa contorna e que mellora a a mobilidade dos usuarios.
Con estas obras, axeitadas ao tráfico e requirimentos da estrada, compatibilizarase a mellora do tránsito en condicións cómodas e seguras cunha mínima afección para os veciños e veciñas da zona e dos que utilizan ese tramo para acceder á autovía do Cantábrico. A través deste tipo de actuacións, a Xunta pretende dotar aos concellos galegos dunhas infraestruturas viarias máis seguras e confortables para os usuarios.
Mellora da mobilidade
O director da Axencia Galega de Infraestruturas destacou o esforzo que está a realizar o Goberno galego para mellorar a mobilidade dos veciños de Mondoñedo e dos concellos da contorna. Recordou que a Consellería de Medio Ambiente, Territorio e Infraestruturas está a redactar dous proxectos de rehabilitación do firme e ampliación da estrada Mondoñedo-Vilameá (LU-124), cos que se mellorará o acceso dos veciños de Riotorto tanto cara a A-8 coma cara A Pontenova. Salientou o compromiso da responsable da Consellería, Ethel Vázquez, de iniciar no vindeiro ano as obras do tramo Lindín – Cruz da Cancela, para facilitar o acceso á autovía.
O obxecto da actuación é completar ata o final da estrada -situado na intersección coa N-640 en Vilameá (PK 29+620)-, a mellora que actualmente leva a cabo a Xunta de Galicia nos primeiros 8,8 quilómetros dende Mondoñedo ata Lindín. O tramo da estrada comprendido entre Cruz da Cancela e Riotorto (PK 15+200 ao 23+100) xa está acondicionado, polo que resta por actuar entre Lindín e Cruz da Cancela, e de dende Riotorto ata Vilameá.
Tanto o Folgueiro League coma o Folgueiro League Baby desputaranse os días 12 e 13 de xullo.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
O festival terá lugar os próximos 28, 29 30 de xuño e o 1 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore. A subdelegada destacou a máxima coordinación entre o Goberno, o Concello de Viveiro, a organización do evento e as forzas e corpos de Seguridade do Estado para garantir o bo desenvolvemento do ‘Resu’.
A actividade, organizada en colaboración co Concello de Cervo, permitiu ao alumnado achegarse por primeira vez ao mergullo deportivo, combinando formación teórica e práctica nun entorno seguro e controlado. A segunda parte da xornada, prevista na Praia da Caosa, tivo que ser adiada debido ao mal estado do mar, pero buscarase unha nova data para completar esta experiencia única en contacto co medio natural. A alcaldesa Dolores García Caramés destacou "a importancia de ofrecer oportunidades educativas que promovan hábitos saudables e poñan en valor o noso entorno".
Xebra fecha o curso por todo o alto, con Séchu Sende presentando este sábado, 21 de xuño, ás 20 horas 'O povo improvisador', re-editado por Através Editora. Conducirá o acto o investigador Xian Naia. A atividade chega a Burela cunha festa itinerante, o Regueifatour que aterra no local de Xebra cun espetáculo de improvisación oral.
O encontro está organizado polo motoclub A Cadeira, de recente creación. Unha das citas máis esperadas será a exhibición acrobática do piloto profesional Emilio Zamora, que terá lugar a partir das 19.30 horas do sábado no parque de San Roque. Tamén se ofrece un simulador de pilotaxe de moto GP, música en directo ou unha ruta turística o domingo pola mañá. Habilitarase ademais unha zona de acampada exterior e interior.
O sábado 21 sesión vermú con Costa Dorada, que repetirán pola noite xunto á orquestra Waykas. O domingo sesión vermú con Tania Veiras e Los Cumbiapop que repetirán en sesión de tarde. Ese día haberá posto de polbo.
