Ribadeo, 26 de agosto de 2015.- Comezou en Ribadeo o IV Fórum de Innovación e Formación sobre Vehículos, que organiza a Asociación de Profesores de Automoción de Galicia e ao que asisten 72 persoas do mundo do ensino, do sector do automóbil, alumnos de FP e universitarios e tamén afeccionados ao mundo do motor, chegadas desde diferentes puntos da xeografía española.
Na primeira xornada do evento Jaime García Aguado, profesor da Escola Robert Bosch, falou sobre os procesos de diagnose nos vehículos e Adrián Rodríguez Otero de Drivex School SL analizou os sistemas de formación para a competición. Pola tarde haberá obradoiros de soldadura, de climatización, de aerografía, motocicletas e diagnose.
Este xoves, Jesús Vicente Queipo da empresa Luk-Aftermarket Service, disertará sobre 2C (embrague dobre) e Juan Piñeiro, profesor no IES de Curtis, falará sobre sistemas de antiarranque. A xornada completarase cunha charla sobre o programa Erasmus + e coa presentación dos resultados acadados polo proxecto de mobilidade Aprender a aprender na FP, que se veu desenvolvendo por parte de Apaga ao longo dos últimos meses. Xa pola noite ás 21 horas terá lugar a asamblea xeral da Asociación de Profesores de Automoción de Galicia. Álvaro Doural explica que “os principais temas que abordaremos serán a presentación dun informe co estado de contas, o resultado dunha auditoría realizada hai un mes e tamén a posible modificación dos nosos estatutos para adaptalos á novas situacións, etc… tamén falaremos de accións de futuro, de novos proxectos, da futura colaboración que queremos establecer cos Concellos da comarca da Mariña”. A xornada do xoves rematará cunha cea de todos os participantes no IV Fórum de Innovación e Formación sobre Vehículos, que rematará o venres a mediodía.
Despois o sábado e o domingo terá lugar a III Mostra de Vehículos Clásicos, nos xardíns do hotel O Cabazo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
