Lugo, 26 de agosto de 2015.- O deputado de Emprego, José Antonio García, anunciou que esta semana se publicará na web da Deputación de Lugo a listaxe de demandantes de emprego admitidos e excluídos na segunda fase do Ben Empregado II.
José Antonio García explicou que o goberno provincial finalizouse a tramitación das 1737 solicitudes recibidas ao abeiro deste plan, para acceder a un dos 304 postos de traballo que ofrecen as empresas beneficiarias do Ben Empregado na súa primeira fase. O deputado indicou que do total de solicitudes recibidas e unha vez requirida a documentación necesaria, 1520 adecúanse as bases, mentres que 217 non compren con elas.
Neste senso, o responsable da área de Emprego engadiu que en setembro se iniciará o proceso de entrevistas para seleccionar aos traballadores que cubrirán os 304 postos de traballo, que demandan as 285 entidades beneficiarias do Ben Empregado, das cales 245 son empresas e 40 asociacións.
Polo tanto, e segundo engadiu José Antonio García, este procedemento estase a resolver dun xeito áxil tendo en conta o elevado número de solicitudes. A maiores, dentro da normalidade que se está a dar neste proceso, o deputado tamén explicou que das 285 entidades beneficiarias que estaban condicionadas a entrega de documentación establecida nas bases, tan só unha delas non entregou a documentación requirida en forma e prazo. José Antonio García tamén manifestou que tres delas renunciaron de forma voluntaria.
Ben Empregado I
En relación co Ben Empregado I, José Antonio García tamén explicou que se cubriran seis perfís desertos a raíz de que os traballadores seleccionados no seu momento renunciaran ao posto ou non superaran o período de proba coa empresa. O deputado engadiu que se está a seguir o procedemento establecido nas bases e así, na Xunta de Goberno do venres aprobarase a proposta cos seis novos beneficiarios que se incorporarán a estes postos.
Comprometidos coa creación de emprego
Neste senso, o deputado responsable de emprego resaltou que os feitos demostran o compromiso do goberno provincial coa creación de postos de traballo “aproveitando todos os recursos que ofrece a administración”.
“Tanto dende a oposición como agora con responsabilidades de goberno, deixamos patente o noso compromiso coa creación de emprego e rexeitamos calquera iniciativa ou declaración que utilice o desemprego como medio para facer política ou obter calquera tipo de beneficio electoral”, asegurou.
“A liña a seguir polo goberno da Deputación de Lugo é a do trato igualitario entre desempregados e a de garantir a igualdade de oportunidades entre todos os lucenses que están a buscar un posto de traballo”, conclúe.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
