Burela, 27 de agosto de 2015.- Nas lonxas galegas descargáronse máis de 2.000 toneladas de bonito do norte no que levamos de ano, que supuxeron un valor económico de máis de 8,3 millóns de euros. Así o destacou na madrugada deste xoves a conselleira do Medio Rural e do Mar, Rosa Quintana, durante a súa visita á lonxa de Burela para asistir á poxa do bonito. Tamén fixo fincapé nos desembarcos da rula burelá, que no que levamos de ano descargou máis de 1.000 toneladas deste túnido, por un importe de preto de 4,5 millóns de euros.
Neste sentido, a titular de Medio Rural e Mar destacou que o bonito do norte representa para a frota de Burela e para boa parte da de Galicia unha das capturas estacionais máis importantes. Ademais, sinalou que a súa descarga nos portos permite poñer a disposición dos consumidores un produto saudable que conxuga unha calidade inmellorable e un sistema de captura respectuoso co medio natural.
Rosa Quintana salientou que o seu departamento apoia e impulsa decididamente a comercialización dos produtos procedentes da pesca e da acuicultura, entre eles o bonito, como un dos eixos nos que se sustenta o benestar da xente do mar e en concreto o dos boniteiros burelaos.
A conselleira lembrou ademais o apoio da Xunta á promoción desta especie a través da campaña publicitaria Faino Bonito, que ten como obxectivo fomentar o consumo de bonito do norte fresco. A Consellería do Medio Rural e do Mar elaborou un material promocional co obxecto de informar aos consumidores das vantaxes de incorporar o bonito do norte fresco ao seu menú. Así, distribuíronse máis de 145.000 folletos, 2.000 carteis e 1.400 displays para a campaña 2015 en diferentes establecementos comerciais e tamén se fixeron 400 vallas publicitarias.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
