Seguindo co programa de ACTIVIDADES DE VERÁN 2015 orgnizadas polo Concello de Alfoz, o vindeiro sábado celebraranse os seguintes eventos:
– FESTA ACUÁTICA NA PISCINA MUNICIPAL.
O sábado 29 de 16.00 a 20.00 horas, na Piscina Municipal de Alfoz, celebrarase unha festa acuática con inchables e xogos acuáticos para que todos desfruten de actividades refrescantes e divertidas antes do fin do verán.
Recordamos que as instalacións da Piscina Municipal permanecerán abertas ata o 4 de setembro de 2015 en horario de 12.00 horas a 20.00 horas.
– TEATRO NO CASTELO DE CASTRO DE OURO.
O sábado 29 á 20.00 horas, no Castelo de Castro de Ouro, o Clube Teatral Elsinor presenta “A TÉCNICA DO TARATANTALEO”, interpretado e dirixido por Manuel Lourenzo, coa colaboración de Xosé Martínez, autor da gravación audiovisual, e producido por Montserrat Modia.
Recordamos que ata o 31 de agosto permanecerá no Castelo de Castro de Ouro a exposición didáctica “GALICIA, CONSERVANDO A NATUREZA” e de forma permanente a exposición de pintura de HIPÓLITO XEADA.
O horario de apertura do Castelo de Castro de Ouro é de luns a venres de 17.00 a 21.00 horas e sábados e domingos de de 11.00 a 14.00 e de de 17.00 a 21.00 horas. Para máis información poden visitar o PUNTO DE INFORMACIÓN TURÍSTICO situado no Castelo de Castro de Ouro ou chamar ó 982 558 578.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
