Santiago, 31 de agosto de 2015.- O portavoz de Medio Rural do Grupo Popular, José Manuel Balseiro, demandou dos grupos da oposición “un debate construtivo e menos crítica partidista” sobre os incendios forestais e a situación do sector lácteo, polo que fixo un chamamento “para afrontar este reto ao longo deste período de sesións porque estaríamos facendo un gran favor á sociedade galega e á nosa Comunidade autónoma”. Balseiro avogou por “agardar aos resultados do Consello de Ministros de Agricultura do vindeiro 7 de setembro e da efectividade da fronte común constituída por España, Francia, Portugal e Italia” para valorar a evolución do sector leiteiro.
Na súa intervención na Deputación Permanente, José Manuel Balseiro reiterou a “sorpresa” do Grupo Popular pola solicitude desta Deputación Permanente feita polos grupos minoritarios da oposición, “porque son dous asuntos xa abordados no Parlamento, tanto na Deputación Permanente celebrada o 23 de xullo como na comparecencia da conselleira no Pleno do 4 de agosto para informar do sector lácteo”.
Cambio de mentalidade nos incendios
Respecto dos incendios forestais, o portavoz popular indicou que “a sociedade demanda dos políticos un cambio de mentalidade e máis debate construtivo e menos crítica partidista”, polo que fixo “un chamamento aos grupos da oposición para afrontar este reto ao longo deste período ordinario de sesións”.
Balseiro afirmou que “non ten ningún sentido dar conta agora en sesión plenaria extraordinaria dos medios utilizados na loita contra os incendios” porque “non se pode aducir ocultación do dispositivo á sociedade cando a información é publica e plenamente accesible” a través da páxina web da Consellería do Medio Rural. Así mesmo, lembrou que a información sobre este operativo “foille facilitada o 5 de xullo a todos os membros do Consello Forestal e os datos sobre o seu cumprimento, obxectivos e eficacia será posta a disposición do Parlamento mediante a comparecencia da conselleira”.
Sector lácteo na axenda
José Manuel Balseiro considerou “importante” a crise dos prezos lácteos, polo que salientou que esta cuestión “centrou gran parte da axenda do Goberno de Galicia, co seu Presidente á fronte, durante o mes de agosto”. Neste sentido, fixo referencia á xuntanza celebrada polo Presidente galego con todo o sector lácteo o pasado 5 de agosto, á que se sumou a reunión celebrada pola ministra o día 18 de agosto para analizar as medidas implantadas.
Ademais, Balseiro tamén recordou a convocatoria para o vindeiro 7 de setembro dun Consello de Ministros de Agricultura para falar dos problemas do sector leiteiro. “Galicia xa fixo pública a súa postura e as súas demandas na propia comparecencia no pleno, a petición propia, da conselleira, fai menos de 30 días, e así o volverá a reiterar o vindeiro día 3 no Consello Consultivo para Asuntos Comunitarios”, apuntou. Neste eido, engadiu que o Goberno galego tamén está a agardar os resultados da fronte común constituída o pasado 28 de agosto entre España, Francia, Portugal e Italia.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
