Cervo, 14 de setembro de 2015.- O Grupo Municipal Socialista de Cervo vén de presentar este luns no Rexistro de Entrada do Concello unha solicitude na que piden que “sexa efectiva de maneira urxente a conexión do alumeado do vial que une a Cerámica de Sargadelos co burgo das Casetas”.
Os socialistas lembran que “esta foi unha obra que se levou adiante trala insistente demanda dos veciños grazas á inversión e esforzo da Deputación Provincial no ano 2011 e ante a pasividade do equipo de goberno que mantiña o Concello por aquel tempo. A instalación de 11 puntos de luz rematouse e a conexión do alumeado, competencia e responsabilidade do Concello, segue sen facerse catro anos despois do remate das obras”.
Ante esta situación, dende o GMS subliñan que “son moitos os veciños que seguen reclamando a posta en funcionamento destas instalacións que no seu día costaron o seu diñeiro e que non están dando os servizos que deberían dar pola inoperancia do goberno cervense ou mero capricho”.
Ademais da mala imaxe que se ofrece aos propios veciños da zona e aos visitantes que pasean por esta vía, “é unha cuestión de seguridade cidadá, non só para a mellora da visibilidade senón tamén para seguridade persoal cando se fai de noite ou se atravesa unha zona escura”.
Tras esta solicitude, os socialistas agardan unha pronta resposta e que “non pase outro ano máis vendo estas instalacións totalmente inutilizadas e abandonadas”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
