Lugo, 17 de setembro de 2015.- O voceiro da Deputación de Lugo, Carlos Armesto, destapou este xoves múltiples irregularidades na xestión que os socialistas fixeron das obras do complexo do Miño para destinalo a Sede do Centro Asociado da Uned en Lugo. Armesto revelou un desproporcionado desfase orzamentario, xunto a anomalías no procedemento administrativo e a incumprimentos no prazo de execución das obras.
O voceiro dos populares considerou necesario dar a coñecer “a situación real da obra” e demostrar con documentos a “grave” e “nefasta” xestión do Goberno socialista da Deputación de Lugo que, segundo lamentou Armesto, impedirá a apertura esta anualidade do Centro da Uned no edificio do Miño.
O deputado provincial indicou que un expediente que se apertura en maio de 2011, “hoxe, catro anos despois continúa sen rematarse, supoñendo un forte investimento público aos lucenses que non poderán polo de agora dispoñer deste servizo”. Tras ampliacións no prazo de execución da obra, o último concedido remata mañá 18 de setembro, cando a última certificación de obra aprecia que aínda queda o 45,82% da obra sen executar. “Esta é a dilixencia coa que traballan os socialistas, deixándonos unhas obras, cuxo proceso deixa entrever importantes dúbidas, con irregularidades administrativas, variacións orzamentarias, e que non se compren os prazos”.
“É importante que os lucenses coñezan o funcionamento dos socialistas no Goberno e a situación que motiva que os alumnos da Uned non podan empregar o Complexo do Miño como sede. A maiores, unha vez que se finalicen as obras teremos que resolver servizos tan básicos como o de iluminación que non se recolle no proxecto”, explicou Armesto.
Anomalías no procedemento administrativo
O voceiro dos populares destapou importantes anomalías no procedemento administrativo da obra. Entre eles, Armesto revelou que no proceso de contratación se exclúen empresas do procedemento de selección sen motivar a causa desta exclusión. Ademais, existe unha dilixencia na cal se manifesta que unha oferta foi aberta e pechada posteriormente con celo.
Entre outras irregularidades administrativas, Armesto engadiu tamén que o contrato se adxudicou fóra do prazo máximo que establece a lei, ao igual que o proxecto. Neste senso, o deputado explicou que a empresa adxudicataria presentou ata un total de tres proxectos (novembro de 2011, marzo de 2012 e agosto de 2013). “Se o primeiro proxecto foi o que serviu de base ás autorizacións e despois executouse o do ano 2013, pódese considerar incluso un incumprimento da autorización sectorial e polo tanto da licenza”, matizou.
Polo tanto, “unha vez máis herdamos un proxecto que levanta sospeita e queremos descubrir realidades, ao igual que descubrimos unha clara manipulación orzamentaria e un desfase presupuestario desproporcionado, dun 110%. Son manifestas as argucias que seguen, alterando cifras, para dar unha impresión de total normalidade”. Neste senso, o voceiro deu datos e explicou que unha obra que se adxudicou por un importe de 959.684,88 euros, e tras a presentación de tres proxectos, o último deles é o dobre do orzamento inicial (2.022.139,10 euros). “Non expediente non queda claro a motivación deste desfase orzamentario, o único que se demostra é unha falta de previsión absoluta”.
Polo tanto, Armesto lamentou que se estea a dar esta situación e que non se poda sacar adiante coa celeridade prevista este servizo no complexo do Miño ao tempo que agarda que estas circunstancias non danen a imaxe das institucións públicas nin causen ningún prexuízo sobre entidades que están a desenvolver unha importante labor social.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
