Ribadeo, 28 de setembro de 2015.- A concelleira de Desenvolvemento Local, Ana Martínez, valorou de xeito moi positivo a Feira da Horta, que se celebrou na vila o pasado domingo, e a importancia que citas coma esta teñen na economía local e no desenvolvemento rural.
A edil nacionalista sinalou que “un ano máis dende logo a valoración é moi positiva, tanto pola concorrencia de público, e así puidemos ver como estivo este domingo a explanada de diante da praza de abastos, chea de xente, como tamén polas ventas que se efectuaron durante toda a mañá. A concienciación do consumo de proximidade, da calidade destes produtos, da súa importancia na nosa dieta e do apoio da economía local fan destas iniciativas un camiño na recuperación dos valores tradicionais, como ben dixo o convidado desta edición, Antonio Oca. El mesmo salientou a importancia do papel da muller no desenvolvemento rural e no sustento das explotacións agrarias. Deu como dato significativo que hoxe en Galicia xa son máis titulares mulleres que homes”.
Ana Martínez insistiu en que “dende o Concello de Ribadeo queremos seguir apostando polo apoio ao rural, unha posibilidade de futuro na terra, animando tamén á xente nova a formarse e buscar emprendemento dentro dos produtos de horta. Animamos tamén a que algunha industria ou particular busque a posibilidade de transformar estes produtos para poder potenciar a producir e dar saída a excedentes a través de conservas e produtos non perecedoiros”.
A concelleira recalcou que “Ribadeo ten unha terra especialmente fértil, que permite ademais colectar produtos de calidade tan excepcional como o pemento de Piñeira, que como nos contaba onte Antonio Oca ten un adn propio que o diferenza como un pemento de referencia. Non soamente o pemento, tamén outros produtos que onte puidemos ver na Feira como a cebola, a pataca, a faba… Todo iso manifesta a calidade dos produtos da nosa horta”.
Martínez engadiu que “coa Feira pechamos esa temporada oficial dos mercados dos domingos e recordamos que ademais deles durante todo ano os mércores en Ribadeo tamén hai mercado destes produtos que podemos mercar directamente da terra, desta xente, destes produtoras e produtores que seguen todo o ano vendendo o que a terra produce. E tamén xunto con eles podemos gozar de mercar no que é o mercado co resto dos artesáns, embutidos, conservas, queixo, pan, que durante todo o verán acompañaron aos produtores de horta”.
A concelleira de Desenvolvemento Local tivo palabras de agradecemento para “a presenza non so na Feira se non tamén ao longo de todos os domingos do verán que mercou e fixo posible que estes mercados sexan un referente na comarca”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
