O pleno do concello do Vicedo, celebrado o pasado mércores 30 de setembro, aprobaba por unanimidade a moción presentada polo Bloque Nacionalista Galego, reclamando a posta en marcha dun centro de día.
O portavoz municipal do BNG do Vicedo, Adrián Piñón Domínguez instou “a que o Concello do Vicedo se comprométese a solicitar as administracións competentes que leven a cabo todas as medidas posibles para a posta en funcionamento dun centro de día na antiga Casa do Mar no mínimo prazo posible”.
Como xa se sinalara na recollida de sinaturas con este motivo, e que tan boa acollida tivo na veciñanza, unha gran parte dos nosos veciños son maiores, polo que este servizo melloraría a súa calidade de vida e a dos seus familiares, ademais, faría posible a creación de postos de traballo tan importantes neste contexto histórico de crise que vivimos.
O BNG do Vicedo solicita que futuro centro de día conte con servizo de comedor e lavandería, e que o mesmo atenda tamén as persoas cunha mobilidade reducida e que non podan acudir ó centro, impulsando un programa de xantar na casa así como un servizo de transporte adaptado que faga posible a conciliación familiar das persoas que precisen utilizar o centro e dos seus achegados.
O Pleno do Concello do Vicedo debateu unha moción do BNG para a creación dun plan anual de limpeza e mantemento das vías municipais.
Tamén foi debatida no pleno unha moción proposta polo Bloque Nacionalista Galego do Vicedo para que o concello cree un plan anual de limpeza e mantemento das estradas municipais, deste xeito, preténdese dar resposta a unha demanda da veciñanza, a cal se queixa de que o arranxo da rede viaria só se produce no verán.
O plan anual proposto suporía unha importante mellora na circulación polas estradas do concello. Estando moitas delas, sobre todo a das zonas máis rurais, nun estado lamentable e cheas de maleza, o que supón un grave risco para a seguridade dos conductores, tendo sucedido xa algún accidente de tráfico por estas causas.
A moción foi emendada na súa totalidade polo grupo de goberno, que argumentou que era suficiente o mantemento e limpeza das vías que ata o de agora se viña facendo, a pesar das continuas queixas dos veciños. A concelleira Inma García subliñou que “se trata dunha cuestión de vontade, xa que o gasto que pode supor para o concello é mínimo en relación ós beneficios que tería para a veciñanza”.
Ademais rogouse que se puxera en coñecemento da deputación o mal estado que presenta a estrada que comunica o núcleo urbano do Vicedo coa praia de Xilloi, que está chea de fochancas, ao que o alcalde don José Jesús Novo Martínez (PP) respondeu con un “por alí hai que andar máis despacio”
Preguntas sobre a cobertura móbil e as instalacións deportivas.
Por outra banda, neste pleno, xa no punto de rogos e preguntas, o grupo municipal do BNG interpelou á alcaldía sobre o estado das xestións para a instalación dunha antena de telecomunicacións na parroquia de Cabanas. Ademais o BNG interesouse polas accións que estaba a levar a cabo o grupo de goberno para a cuberta das gradas do campo de fútbol de Boavista no que xoga a UD Folgueiro, aínda que as respostas formuladas pola alcaldía fan presupoñer que calquera das dúas accións van precisar de moito tempo para levarse a cabo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
