Foz, 14 de outubro de 2015.- A reunión xunta de portavoces do Concello de Foz celebrada este martes abordou unha nova proposta para construción da nova estación depuradora de augas residuais (EDAR), segundo informa o alcalde, Javier Jorge Castiñeira, que agradece o bo clima de diálogo coa oposición que houbo na xuntanza e espera levar este asunto ao próximo pleno da corporación municipal. A proposta presentada polo rexedor é localizar a instalación no Camiño da Granda, entre o barrio de Forxán e a parroquia de Fazouro.
Javier Castiñeira explicou que este martes “tivo lugar unha xunta de portavoces importante no Concello de Foz, unha reunión cun único punto, que era a nova proposta de localización da depuradora de Foz. Dende logo agradecemos a presenza dos tres portavoces da oposición máis tamén a do tenente de alcalde, Pedro Fernández Manín. O clima no que se falou e dialogou sobre esta nova opción foi moi positivo; hai moi boa vontade de tratar de resolver un dos maiores problemas que ten o noso municipio a día de hoxe, un problema ambiental, como é eliminar a depuradora e os puntos de vertido que se están levando á ría de Foz e crear unha nova depuradora coas dimensións e garantías que se merece un pobo como o de Foz, que non só ten 10.000 habitantes senón que en verán achégase aos 30.000 e precisa unha instalación que cubra esta demanda”.
Castiñeira engadiu que “con respecto á posición proposta, na zona límite entre Forxán e Fazouro, no que é o barrio de Forxán, concretamente no Camiño da Granda, é un lugar que resolve bastante ben os problemas engadidos que tiveron durante estes últimos anos as propostas de localización que se formularon. Hai que recordar que había unha primeira proposta en Forxán polo anterior grupo de goberno. O PP ofreceu outra nova en Sarrido, na parroquia de Fazouro, e ao non aceptarse estas houbo outras diferentes, que tampouco foron aprobadas, como no polígono ou en zonas próximas. Pero esta nova proposta satisfai bastante ben as necesidades, sobre todo de illamento e que medioambientalmente responda ás necesidades de Fazouro e Forxán. É unha localización que foi comentada cos responsables veciñais de Forxán e Fazouro e, en principio, tampouco hai excesivos problemas para que a acepten. Polo tanto, a xunta de portavoces reunirase outra vez a semana que vén para decidir cal é a proposta que se vai levar no próximo pleno da corporación municipal, que vai ser a finais deste mes”.
O alcalde destaca o bo clima que houbo na reunión de onte e agradece aos portavoces “por escoitar de moi boas maneiras unha opción e que propoñan aos seus grupos a necesidade de dar un paso neste sentido. Polo tanto, estamos contentos e dende logo é un paso importante. Esperamos que no próximo pleno esta localización sexa unha realidade e así poidamos pasarlle a Augas de Galicia a pelota ao seu tellado para que financie esta infraestrutura e faga o anteproxecto para que nos próximos anos Foz poida ter unha estación depuradora adaptada ao que son as necesidades do pobo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
