Mondoñedo, 31 de outubro de 2015.- A alcaldesa de Mondoñedo, a popular Elena Candia, vén de anunciar a adxudicación da redacción do proxecto da Casa Museo de Cunqueiro á arquitecta Gloria Trigo. Candia subliña que o obxectivo do proxecto “ademais de por en valor a edificación, pretende ser unha lembranza viva ao ilustre escritor, polo que se tratará de que sexa un centro dinamizador e un proxecto cultural ambicioso”.
Entre os requisitos que establece o Goberno local figura que a arquitecta estableza contactos cos persoeiros do mundo da cultura para que poidan achegar ideas que enriquezan o proxecto.
Elena Candia explica que o proxecto de Casa Museo pretende que se poida contemplar cómo era, onde vivía e cómo traballaba o escritor, ao tempo que se fará unha aproximación á súa obra literaria. A proposta inclúe un café tertulia pensando para os veciños e veciñas de Mondoñedo e unha gastroteca, que afondará na gastronomía literaria do autor.
O proxecto
Desde o punto de vista construtivo tratarase de recuperar a integridade estrutural e compositiva da edificación na súa volumetría actual intentando non só conservar, senón mostrar as singularidades desta construción tradicional propia da zona e do tempo no que se realizou. Ao ser unha casa museo, reconstruíranse os espazos cos materiais, as luces e os obxectos que había cando estivo habitada por Cunqueiro para que o visitante se sinta no ambiente no que el vivía.
Unha parte da edificación ocupará os usos museísticos, recepción, sala de estudo e exposición e escaleira de comunicación. Desde esta zona accederase ao resto dos espazos: café tertulia, gastroteca e servizos asociados que se ubicarán na parte traseira da edificación, aberta cara o patio e con acceso desde este. Esta composición facilitará a entrada de mercancías para a gastroteca sen interferir na normal actividade do museo.
Desde o acceso posterior, situado a nivel da primeira planta, poderase entrar ao patio posterior e desde este, directamente á planta segunda a través dunha escaleira. É un espazo que, unha vez acondicionado, poderá servir como terraza ao exterior nos días cálidos.
A planta baixocuberta ocupará a totalidade do espazo expositivo, entre o que se fará unha reconstrución da habitación do escritor.
En detalle
Planta baixa. Será desde onde se accede ao edificio. Na recepción situarase a escaleira de acceso ás plantas superiores, coincidindo co tramo de escaleira existente no baixo cuberta e ocupando un espazo que xa tivo no pasado.
Café tertulia. Situarase na parte posterior da planta baixa. Os aseos e almacén estarán noutras plantas, obrigados polo escaso espazo. Preténdese crear un espazo íntimo que convide á conversa relaxada.
Planta primeira. Salas expositivas. O espazo expositivo habilitarase na parte frontal da edificación. Terá vistas á Catedral e amosará a obra de Cunqueiro desde a perspectiva da súa inspiración.
Servizos. Na parte posterior desta planta, sobre o café tertulia, habilitaranse os espazos de servizos que darán funcionalidade ao café tertulia e á gastroteca, situada na planta superior. Habilitaranse os aseos, accesibles como esixe a normativa, un almacén e un espazo destinado a cociña
Planta segunda. Espazo de estudo e exposición. Estará reservada para albergar novas mostras da obra de Cunqueiro, os seus manuscritos, as súas obras editadas, fotografías da súa vida, vídeos e entrevistas, entre outro material. Concíbese como un espazo de coñecemento e investigación no que poder afondar na súa historia e na súa obra.
Gastroteca. O espazo de degustación estará nesta planta na parte posterior da edificación e con acceso ao patio. A carta ofrecerá receitas dos pratos e das citas literarias que as inspiran.
Planta baixocuberta. Os espazos de Cunqueiro. É a planta na que se musealizará a súa vida. Vanse recuperar os cuartos nos que vivía, onde durmía e onde traballaba.
Para acometer o proxecto foi preciso ter en conta o estado da edificación e o programa que se pretende acometer. O orzamento total da obra ascende a 311.494,14 euros. O Goberno local ten asinado un convenio coa Deputación de Lugo para levar a cabo o proxecto, que se financiará ademais coas achegas doutras administracións.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
