Santiago, 18 de novembro de 2015.- O Grupo Popular reiterou este xoves na Comisión de Pesca do Parlamento a necesidade de elaborar un estudo que determine os criterios a empregar para que a flota do cerco poida acadar máis posibilidades de pesca e que, unha vez rematado, se remita ao Parlamento para o seu debate. O portavoz de Mar, José Manuel Balseiro, insistiu “na necesidade de estudar ben calquera posible modificación das claves de reparto, de xeito que estea baseada nunha solución global, en consenso co conxunto do sector do cerco e non en posicións unilaterais dunha soa parte”.
Balseiro mantén que “un reparto por tripulante, tal e como pide a oposición, fronte ao modelo actual mixto, que pondera criterios históricos (nun 70 por cento) e socioeconómicos (nun 30 por cento), sería máis prexudicial para os intereses de Galicia”, polo que invitou á oposición “a aceptar que se estude as consecuencias de modificar este sistema de reparto”.
“Unha vez que remate a campaña, cos resultados na man, estamos dispostos a debater o establecemento dun novo reparto que teña en conta maioritariamente aqueles criterios que favorezan á nosa flota, incluídos os socioeconómicos”, manifestou o portavoz popular, quen alertou da necesidade de “analizar ben as consecuencia dun cambio, non vaia a ser que, para que ganen algúns, perda o conxunto do sector do cerco galego”.
MELLOROUSE O SISTEMA
Por outra banda, Balseiro defendeu o modelo de xestión actual que permitiu, entre outras melloras, rematar coa práctica da pesca olímpica que deu lugar nos anos 2009 e 2010 a importantes sancións por sobrepesca que aínda restan capacidade de traballo para o sector.
Retou tamén á oposición a “demostrar que non é certo que, desde 2009, as cotas das principais especies obxectivo desta flota creceron un 52 por cento, isto é, as capacidades de pesca da xarda, do xurelo e da anchoa, especies que constitúen a actividade principal da frota do cerco galego”.
Balseiro negou que se poida acusar á Xunta de falta de interlocución, “xa que nos últimos quince meses mantiveron ata oito reunións cos representantes do cerco, en moitas das cales se adoptaron distintos acordos de importancia, como os que regulan a comercialización e permitiron autorizar un 10 por cento máis da cota con cargo a 2016 e traspasar o 50 por cento das posibilidades de pesca da zona próxima a Francia ao caladoiro cantábrico, o que beneficiou á flota galega”.
O voceiro do Mar dos populares galegos rematou lamentando que algúns representantes do cerco sinalen que esgotaron a cota e que, a pesar desa circunstancia, rexeiten as 500 toneladas de novas posibilidades de pesca que conseguiu de maneira excepcional a Secretaría General de Pesca do Ministerio de Agricultura, Alimentación e Medio Ambiente.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
