RIBADEO (FNC) .- O alcalde de Ribadeo, Fernando Suárez, agarda que antes de finais de ano estean listos e limpos os viais de acceso ao Camiño de Santiago en Ove e en Covelas.
O rexedor asegura que “nestes días están a ser executadas a bó ritmo unha serie de obras, a través dun convenio asinado coa Área de Turismo da Deputación Provincial de Lugo. Son 20.000 euros que nos permiten actuar nunha serie de camiños municipais que dan acceso ao Camiño de Santiago. Estes viais víronse moi afectados por mor daquelas chuvias e treboadas do inverno pasado que asolaron parte do noso concello, e a Área de Turismo da Deputación foi sensible a esta petición efectuada polo Concello de Ribadeo e asinamos hai uns meses dito convenio”. Suárez Barcia explica que “no Concello queremos ter os viais que dan acceso ao Camiño de Santiago en perfectas condicións, dado que o ano próximo virá moita máis xente, moitos peregrinos… estamos actuando en Ove, Vilela, Covelas, Vilamariz e Arante. Estamos procedendo á limpeza de gavias con motoniveladora, con paleadora e con camión e contamos que antes de que acabe este ano estean listas unha ducia de pistas que se verán beneficiadas desta actuación para que así cando volten as augas éstas non apocen, non atoen e nos desborden como pasou no pasado”.
Fernando Suárez engadiu que “tamén estamos pendentes, despois da última visita que cursou a Ribadeo o presidente da Deputación de Lugo do seu compromiso de enviar a maquinaria de obras para facer máis ou menos o mesmo nunha serie de viais doutras parroquias para actuar tamén nelas e non só naquelas polas que pasa o Camiño de Santiago. Hai poucos días que lle enviamos unha relación minuciosa de todas as pistas que precisan de actuación por parte da Deputación e estamos convencidos de que teremos aquí nunhas semanas esa maquinaria, tal e como o presidente nos indicou e desde logo que non temos porqué dubidar da súa palabra”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
