SANTIAGO .- O organismo Portos de Galicia manifestou a súa vontade para que a provincia de Lugo poida contar cunha autoridade portuaria propia, e sinalou que non será obstáculo para que isto ocorra, malia que lembra que a administración competente para dotar desta infraestrutura á provincia é o goberno do estado.
Nota de Prensa
Dende o ente público dependente da Consellería do Mar traballase na idea dunha xestión coordinada dos portos da Mariña lucense para captar novos tráficos e sumar oportunidades
PORTOS DE GALICIA MANIFESTA A SÚA VONTADE PARA QUE LUGO CONTE CUNHA AUTORIDADE PORTUARIA PROPIA
* O ente público portuario galego lembra que dotar a esta provincia desta entidade é competencia do goberno central
* Portos de Galicia estuda como avanzar na coordinación dos tráficos dos distintos portos da nosa comunidade, mellorar no seu rendemento e evitar que estes poidan facerse a competencia entre si
Santiago, 15 de outubro de 2009.- Portos de Galicia, organismo dependente da Consellería do Mar manifestou a súa vontade para que a provincia de Lugo poida contar cunha autoridade portuaria propia, e sinalou que non será obstáculo para que isto ocorra, malia que lembra que a administración competente para dotar desta infraestrutura á provincia é o Goberno central.
En todo caso, o ente público portuario galego apuntou que este paso enmárcase no proxecto global de determinación dun único órgano de agrupación dos portos galegos, sexan estes de competencia autonómica ou estatal, se ben esta entidade non substituirá ou eliminará as autoridades portuarias e a súa xestión.
Neste senso, responsables de Portos de Galicia subliñaron que esta proposta sería levada a cabo ao xeito da estrutura de Puertos del Estado, pero facendo fincapé na coordinación de todos os tráficos dos portos galegos. A idea é que, por unha banda, se poidan captar empresas interesadas en empregar as dársenas da nosa comunidade para transportar as súas mercadorías e servizos así como mellorar o seu rendemento e, pola outra, evitar que poidan facerse mutua competencia os portos galegos entre si, o que prexudicaría dun modo evidente os intereses estratéxicos de Galicia.
Portos de Galicia adiantou que a idea que manexan os responsables da administración autonómica é a de impulsar a creación dunha Autoridade Portuaria da Mariña lucense que integre, non só o dársena comercial de San Ciprián –explotada en réxime de concesión administrativa exclusiva pola multinacional do aluminio Alcoa – senón tamén os portos de competencia autonómica, os pesqueiros de Burela e Celeiro e o comercial de Ribadeo.
Deste xeito desde o novo ente xestor mariñán poderíase desenvolver unha función de coordinación dos distintos tráficos e especialización de cada unha das dársenas, así como un mellor proveito das sinerxias e oportunidades segundo as características particulares de cada porto, así como promover a apertura ao tráfico comercial xeral do dique norte de Morás, outra das históricas peticións dos veciños da costa lucense.
O responsable de Portos de Galicia, José Manuel Álvarez–Campana, subliña a súa intención de clarexar a postura do ente público portuario galego manifestada na súa comparecencia o pasado venres día 9 na Comisión de Pesca do Parlamento de Galicia e que, segundo dixo, “vai na liña de apoiar e dar saída aos esforzos realizados para facer realidade esta reivindicación histórica, de xeito especial defendida polos colectivos sociais, políticos, sindicais e empresariais da Mariña lucense”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
