Foz, 9 de marzo de 2016.- Á primeira hora da madrugada do venres, a expedición do Club Kaiak de Foz partirá cara a Sevilla onde os días 12 e 13 de marzo vai disputar o XLVII Campionato de España de Inverno de Piragüismo. A expedición compóñena os cadetes, Xoel García Neira e Noel García Edrosa, o junior Andrés F. Oliveira e o veterano Ramón Lanzós Piñeiroa, acompañados polo adestrador e presidente do Club, Ignacio Romillo.
Tras a súa chegada a Sevilla, os expedicionarios do Club Kaiak teñen previsto desprazarse ata o campo de regatas para facer un breve recoñecemento da pista, dimensións, percorridos, ciabogas, etc…
O Campionato de España de Inverno comezará á primeira hora da mañá do sábado coa disputa das regatas clasificatorias. Ás 09:00 horas será a quenda de Xoel García e Noel Edrosa na regata clasificatoria de Cadete K1 2000 metros. Desta regata sairán os 70 cadetes que accederán á final: os 40 mellores cronos dos cadetes A e os 30 mellores cronos dos cadetes B. Pola súa banda, o junior André Oliveira terá a súa regata clasificatoria, tamén sobre a distancia de 2000 metros, ás 10:10 horas.
Mellor sorte correrá o “veterano” Ramón Lanzós xa que, por número de inscricións non é necesaria a regata clasificatoria, pasando a disputar a final directa ás 12:30 horas.
A final dos Cadetes disputarase este mesmo sábado ás 16:30 horas e a final dos junior disputarase o domingo ás 10:00 horas.
Todas as finais correranse sobre a distancia de 5.000 metros, computados con 1 volta de 3.000 metros e 2 voltas de 1.000 metros, ciabogando no sentido das agullas do reloxo deixando abóialas á dereita.
Tras o quinto posto conseguido por Xoel García Neira no Campionato Galego de Inverno disputado o pasado seis de marzo en Verducido, as aspiracións do Club Kaiak de Foz pasan por que entre no Top 10 da clasificación de Cadetes.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
